Jorge Ibor y Casamayor

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Tío Jorge
Información personal
Calendata de naixencia 22 d'abril de 1755
Puesto de naixencia Zaragoza
Calendata de muerte 15 de noviembre de 1808
Puesto de muerte Zaragoza
Ocupación labrador

Jorge Ibor y Casamayor (Zaragoza, 22 d'abril de 1755 - Zaragoza, 15 de noviembre de 1808) mas conoixito como Tío Jorge, naixito de Zaragoza, estió un labrador d'o barrio zaragozano d'o Rabal y un d'os heroicos esfensors d'a ciudat en o Primer Setio de Zaragoza, escayecito mientres a Guerra d'o Francés. Yera conoixito en o barrio con a embotada de "cuellocorto", ya que teneba la capeza una mica gran y yera cerenyo y d'altaria meyana.

Estió un d'os mas activos en o devantamiento popular contra as tropas de Joachim Murat, estando amás capitoste d'os ciudadans que fuoron a demandar armas a Jorge Juan Guillelmi y lo detenioron. Ya en as vispras d'os devantamientos d'a ciudat heba formato una companyía de labradors y escopetaires en o Rabal chunto a los suyos fillos Pablo y Juan y Mariano Lucas Aced "Tío Lucas" que yera amigo d'él.

Chunto con a suya companyía y os chirmans Manuel Cerezo y Mariano Cerezo facioron que Palafox fuese nombrato lo maximo reponsable d'a ciudat, asinas que participó con iste en os combates d'Alagón, Epila y Casablanca. Por l'aduya en os setios, Palafox lo nombró capitán y poco dimpués tenient cheneral.

Morió por la epidemia de tifus que bi habió en a ciudat o día 15 de noviembre de 1808 y que fació que a la fin a ciudat hese de reblar. L'apedecoron en o pantión d'a casa d'os marqueses de Lazán por orden d'o cheneral Palafox.

En o 100eno cabo d'anyo d'a suya muerte a ciudat le adedicó una placa en a casa a on que naixió en o Rabal que diz:

«Al "Tío Jorge", al insigne ciudadano D. Jorge Ibor y Casamayor, espejo de patriotismo en el alzamiento de Zaragoza, brazo invicto de su primera defensa, dedican esta memoria, con ocasión del primer Centenario de los Sitios, la Patria y la Ciudad, agradecidas»

E cincuanta anyadas dimpués o concello le dió lo nombre de Parque d'o Tío Jorge a lo parque que se troba a lo norte d'o Rabal como homenache a Jorge Ibor.

Vinclos externos editar