Jim Thorpe
Jim Thorpe 
| ||
|---|---|---|
 Jim Thorpe en os Chuegos Olimpicos de 1912. | ||
| Información personal | ||
| Naixencia | 27 de mayo de 1887 Prague, Oklahoma
| |
| Muerte | Lomita, California
| |
| Esporte | Atletismo, fútbol americán, béisbol y baloncesto. | |
| Chuegos Olimpicos | ||
| Oro | Estocolmo 1912 | Pentatlón |
| Oro | Estocolmo 1912 | Decatlón |
Wa-Tho-Huk (en Kikapú: "Sendero brillant"), baptizato como Jacobus Franciscus Thorpe y conoixito popular y esportivament como Jim Thorpe. Naixito supuestament o 28 de mayo de 1888 y muerto o 28 de marzo de 1953, estió un esportista estausunidense d'orichen amerindio d'a tribu d'os Fox & Sawk, y considerato un d'os esportistas mes polivalents d'a historia estando destacatas as suyas partecipacions en campionatos d'atletismo, baloncesto, béisbol, fútbol american y atros esportes en a suya epoca universitaria.
Su filla Grace Thorpe, fue una destacata activista por os dreitos d'os amerindios, y a su nieta Dagmar Thorpe ye una escritora, intelectual y activista amerindia.
Controversia olimpicaEditar
En l'anyo 1912 partecipó en os Chuegos d'Estocolmo de 1912 a on ganó a medalla d'oro en as prebas de pentatlón y decatlón. L'anyo siguent, li fuoron retiratas por partecipar d'antis d'os Chuegos en partius de béisbol de forma remunerata.[1] a suya filla Grace Thorpe, una destacata activista por os dreitos d'os amerindios, luitó por o retorno d'as medallas olimpicas arrebatadas a su pai de forma inchusta, y a inclusión d'as suyas marcas en as listas de records mundials. Dimpués de muitos anyos de luita en os Estaus Unius a AAU (Amateur Athletic Unioon) y o COE (Comité Olimpico Estatatounitense) li retornoron o estatus d'atleta amateur que teneba en 1913. Con iste nuevo estatus y a evidencia que a suya descalificación se fació dimfuera d'o periodo d'a regla d'os treinta dias, o president d'o COI Juan Antonio Samaranch en una reunión d'o comité eixecutivo fació una propuesta de retornar-li as medallas que fue aprovada por unanimidat. El 18 de chinero de 1983 en una cerimonia celebrata en Los Angeles li fuoron entregatas unas medallas conmemorativas a dos fillos suyos pues as medallas orichinals fuoron robatas d'o museo a on yeran.[2]
FilmografíaEditar
- Jim Thorpe - All-American (1951), protagonitaza por Burt Lancaster y dirichita por Michael Curtiz.
ReferenciasEditar
- ↑ (en) Neyer, Rob. Rob Neyer's Big Book of Baseball Lineups. Simon and Schuster, 2003, p. 269. ISBN 0743241746.
- ↑ Jim Thorpe's Family Feud
Vinclos externosEditar
Se veigan as imachens de Commons sobre Jim Thorpe.
