JavaScript

JavaScript(abreviau comunament JS) ye un luengache de programación interpretau, dialecto de l'estandar ECMAScript. Se define como que orientau a obchectos,basau en prototipos, imperativo, feblement tipado y dinamico. S'utiliza prencipalment d'o costau d'o client, implementau como que parti d'un navegador web permitindo milloras en a interficie d'usuario y pachinas web dinamicas​ y Javascript d'o costau d'o servidor (Server-side Javascript u SSJS).

Un eixemplo de codigo JavaScript.

O suyo emplego en aplicacions externas a la web, por eixemplo en documentos PDF, aplicacions d'escritorio (mayoritariament widgets) ye tamién significativo. Dende 2012, totz os navegadors modernos suportan completament ECMAScript 5.1, una versión de Javascript. Os navegadors mas antigos suportan a lo menos ECMAScript 3. A sexta edición se liberó en chulio de 2015.

Javascript se disenyó con una sintaxi semellant a C, encara que adopta nombres y convencions d'o luengache de programación Java. Manimenos, Java y Javascript tienen semanticas y propositos diferents.

Totz os navegadors modernos interpretan o codigo Javascript integrau en as pachinas web. Pa interactuar con una pachina web se provedeix a o luengache Javascript d'una implementación d'o Document Object Model (u DOM). Tradicionalment se veniba utilizando en pachinas web HTML para realizar operacions y solament en o marco de l'aplicación client, sin acceso a funcions d'o servidor. Actualment ye ampliament utilizau para ninviar y recibir información d'o servidor de conchunta con aduya d'atras tecnolochías como que AJAX. Javascript s'interpreta en l'achent d'usuario a o mesmo tiempo que as sentencias van descargando-se de conchunta con o codigo HTML. Dende o lanzamiento en chunio de 1997 d'o estandar ECMAScript 1, han existiu as versions 2, 3 y 5, que ye a mas emplegada actualment (a 4 s'albandonó). En chunio de 2015 se zarró y publicó a versión ECMAScript 6.