It Takes Two (cinta de 1995)
- Iste articlo ye sobre una cinta estausunidense de comedia romantica enguerada l'anyo 1995; ta atros usos, se veiga It Takes Two y It Takes Two (cinta).
It Takes Two (títol orichinal en anglés, en aragonés S'amenistan dos, enguerada en Aragón con o títol Dos por el precio de una, en aragonés Dos por o pre d'una) ye una cinta de cine estausunidense de cine de comedia romantica enguerada l'anyo 1995 dirichida por Andy Tennant seguntes un guión orichinal de Deborah Dean Davis, con una banda sonora orichinal de Sherman Foote y Ray Foote, una dirección de fotografía de Kenneth D. Zunder, una producción cinematografica de James Orr y Jim Cruickshank ta las productoras Rysher Entertainment, Orr & Cruickshank Productions y Dualstar Productions y un elenco d'actors formau por Kirstie Alley, Steve Guttenberg, Ashley Olsen, Mary-Kate Olsen, Philip Bosco, Jane Sibbett, Ernie Grunwald y Ellen-Ray Hennessy, entre d'atros.
Amanda Lemmon ye una nina popiella de 9 anyadas, que deseya que l'adopte Diane Barrows, a treballadora social que la cudia en l'orfanato. Tanimientres, en estar soltera ye bien dificíl que li concedan l'adopción y, amás, son intresaus en adoptar-la os Butkis, una familia sospeitosa poe acullir a muitos ninos a qui se sospeita que nomás quieren que ta que treballen ta éls. L'orfanato marcha en bloque de vacanzas enta una casa de colonias, y así Amanda conoix casualment a Alyssa Callaway, una filla d'un pai bien cabalero y viduo, Roger Callaway. Amanda ye extarordinariament pareixida a Alyssa, y deciden intercambiar temporalment as suyas vidas fendo-se pasar la una por l'atra. Amás, Roger ye bien amán d'a suya voda con Clarice Kensington, qui clarament ye interasada nomás que por os diners de Roger (cosa que veyen toz menos él) y las ninas deciden que ta ellas sería millor ser as fillastras de Diane, asinas que preparan un plan ta conseguir que conoixca a Roger, que toz dos s'enamoren y se casen y asinas vivir toz chuntos.
A cinta s'ambienta en a suya epoca actual (1995) en bel puesto d'os Estaus Unius y las suyas escenas se filmoron en Huntsville, Toronto y atros puestos d'Ontario en Canadá, en Cincinnati (Ohio) y en Nueva York (Nueva York) en os Estaus Unius.[2]
It Takes Two ye una cinta que ha recibiu bels premios y nominacions, encara que garra d'istos premios no fa parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero d'It Takes Two en Internet Movie Database.
- ↑ (en) Localizacions d'It Takes Two en Internet Movie Database.
- ↑ (en) It Takes Two en Internet Movie Database.
Vinclos externos
editar- (en) It Takes Two en Internet Movie Database.
- (en) It Takes Two en l'American Film Institute Catalog de l'American Film Institute.
- (en) It Takes Two en TCM Movie.
Datos: Q1308622
