Ilesia de Sant Pero Apóstol de Broto

A ilesia de Sant Pero Apóstol de Broto ye una ilesia parroquial catolico situada en a localidat de Broto (Sobrarbe, Uesca). Perteneixe a la diocesi de Chaca y l'arcipestrau de Biescas

Ilesia de Sant Pero Apóstol
Ilesia de Sant Pero Apóstol
Situación cheografica
Estau
País	Aragón
'
Situación	Broto (Sobrarbe)
Adreza	C/ Sta. Cruz, 19, 22370
Coordenatas
Archidiocesi
Diocesi	Chaca
Arcipestrau	Biescas
Información cheneral
Advocación	Sant Pero
Culto
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ilesia
Estilo	Gotico tardano
Función
Catalogación
Materials
Construcción
Construcción	1578
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Sant Pero Apóstol Ilesia de Sant Pero Apóstol en Aragón

Historia

Seguntes a inscripción que ye gravada en a suya portalada fue construyida en 1578 por os mayestros Antón del Mas y Juan de Ixolxa:

IHS. EL ANVO 1578 ANTON DEL / MAS Y IOAN DE IXOLXA ME HIZIERON

En o zaguer cuarto d'o sieglo XVIII se i fan reformas, construyindo-se l'actual sagristía y a primera d'as capiella d'o costau d'a epistola.

S'esvielló en 1998, tornando-se a esviellar en l'anyo 2007 dimpués de que s'espaldase una parti d'o suyo tellau.

Descripción

Se troba situada en o cobalto d'o lugar, en una chicota plaza mirador que s'ubre enta o sudeste d'a val. Adosada a la suya cabecera ye a casa abadía. O conchunto, poderoso y de formas firmes, muito mas gran que no l'usual en as ilesias d'ista val, ye feito en mampostería con piedra picada en as suyas esquinas.

Formau d'una sola nau de tres trampos con cabecera poligonal, orientada enta l'este y una mica mas baixa que a resta de l'edifico. En o suyo interior i hai dos capiellas comunicadas entre sí en os trampos segundo y tercero d'o costau de l'evanchelio y atras dos entre o primer y tercer trampo d'o costau d'a espistola. Toz istos espacios se cubren con vueltas de crucería, fueras d'a primera capiella d'a espistola, que ye cubierta por una chicota cupula rectangular.

A os suyos piez i hai un un coro alto de piso plan que se troba construyiu sobre un arco rebaixau. D'atra man, a o sud d'a cabecera i hai una puerta adintelada que da acceso a la sagristía, cambra que ocupa toda a parti exterior d'a cabecera y que ye cubierta a traviés d'un trampo central de vuelta d'ariesta y dos laterals de lunetos.

A portalada d'a ilesia ye formada por un arco de meyo punto con cinco arquivoltas en forma de baquetons, estando os dos intermeyos decoraus por un sogueau y un friso con cabezas aladas d'ancheloz que se disponen a modo de capitel corriu. L'extradós de l'arco ye tamién moldurau con un sogueau que forma una mena d'arco conopial con un repalmador sobre o suyo vértiz a on se troba una chicota talla d'a Virchen con o Nino. A os dos costaus de l'arco i hai dos relieus con fegura en capilletas: a la ezquierda, sant Chuan Baptista, con o nombre entretallau en aragonés y a la dreita una muller con un libro en a man ezquierda. Debant d'a portada s'ubre un portegau rectangular, cubierto con vuelta de crucería estrelada y ubierto a l'exterior con arco de meyo punto.

A torre, situada a os piez d'a nau, ye fortificada y rematada con almenas. De planta cuadrangular y gran volumen, ye construyida como a resta d'o conchunto en mampostería y piedra picada y tien un solo cuerpo que ye accesible dende l'exterior por o nortueste. En l'interior se divide en dos pisos plans de fusta y ye zarrada con cupula sobre dos niervos apuntaus que apean en repalmadors.

Galería d'imáchens

Torre fortificada.
Interior.
Arco d'a portalada.
Portalada. Sant Chuan
Portalada. Muller con libro.

Enlaces externos

Se veigan as imáchens de Commons sobre a ilesia de Sant Pero Apóstol de Broto.
(es) En a pachina d'o SIPCA
(en) Ficha en gcatholic.org