Ilesia de Nuestra Sinyora de l'Asumpción de Castillón d'o Puent
A ilesia de Nuestra Sinyora de l'Asumpción ye una ilesia d'a localidat semontanesa de Castillón d'o Puent (provincia de Uesca, Aragón).
| Ilesia de Nuestra Sinyora de l'Asumpción | |
|---|---|
| |
| Situación cheografica | |
| Estau | |
| País | |
| ' | |
| Situación |  Castillón d'o Puent, Aragón
|
| Adreza | C/ la Ilesia, 88 |
| Coordenatas | |
| Archidiocesi | |
| Diocesi | Balbastro-Monzón |
| Arcipestrau | Semontano |
| Información cheneral | |
| Advocación | Asumpción de Santa María |
| Culto | Catolico |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Ilesia |
| Estilo | Gotico |
| Función | |
| Catalogación | |
| Materials | |
| Construcción | |
| Construcción | Sieglo XVI |
| Fundador | |
| Inicio | |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
Historia
editarD'estilo gotico, prencipió a construyir-se en o sieglo XVI y se fació en dos etapas sobre una antiga ilesia que yera, probablement d'estilo romanico. En a primera fase de debantó a cabecera de l'edificio, o primer trampo d'a nau y dos capiellas en iste. Toz istos elementos s'adhibioron a la antiga estructura ya existent. As obras continoron en 1558, cuan dos canters guipuzcuans contractatos por o concello d'a localidat espaldoron lo que remaniba d'a viella ilesia ta construyir a torre, tres nuevos trampos de nau y dos capiellas nuevas.
A moda d'a epoca en o Semontano marcaba que as naus se cubriban con vueltas de crucería estrelata, pero en Castillón d'o Puent s'emplegoron vueltas de crucería cuatripartita, mas simplas. Os niervols y plementos son cubiertos de tot con decoración de tornapuntas y fuellas d'o sieglo XVIII. Entre os muros exteriors no ye guaire raro trobar a-saber-las marcas de canters, como sinyal d'o suyo treballo.
A torre d'o campanal ye graniza y se puet veyer dende bels kilometros en a redolada. Por estar uno d'os eixemplos de torre mas politas d'a zona, en a epoca d'a suya construcción estió una referencia, y mesmo a torre d'a ilesia de Ponzano, feita por os mesmos canters, se fació mirando-se en la d'a ilesia de l'Asumpción de Castillón como referencia. Chunto a o suyo segundo cuerpo mos podemos trobar cuatre garitons, cadagún orientato enta un d'os cuatre puntos cardinals, que se construyoron ta fer-se servir como esconchuradors contra as tronadas. Cuan s'escochuraba, se feban badallar amás as campanas d'o campanal.
A portalada orichinal d'a ilesia se troba en a suya frontera sud. Ye formata por un arco de meyo punto, con dos semicolumnas en os cantons, dencina de dos plintos y sobre as que se puet leyer una inscripción que diz:
A capiella adedicata a Sant Chusé ye sin garra dandalo a mas intresant de l'edificio. Ye a primera que mos trobamos en o costato dreito y ye zarrata por una barana de fierro de forcha. En un d'os suyos muros trobamos un sepulcre con un fegura humana chacent y un lión a os suyos piez. Debant bi ha decoración con relieus. O muro de l'altar ye obra d'o pintor balbastrense Francisco Zueras, qui lo fació en a decada de 1940.
A la ezquierda se troba una capiella posterior, adedicata a Sant Antón de Padua. Se i accede a traviés d'un gran arco de meyo punto con decoracions barrocas de cheso en as que trobamos diferents feguras vechetals, ánchels y dominando o conchunto a Sant Miguel Arcánchel acotolando a o Diaple. A planta d'a capiella ye rectangular y en as pichinas d'a suya cupula se troban representacions d'os cuatre evanchelistas (o "tetramorfos").
Vinclos externos
editar
Se veigan as imáchens de Commons sobre a ilesia de l'Asumpción de Castillón d'o Puent.- (es) Información d'a ilesia
- (es) Pachina web d'o Concello de Castillón d'o Puent
Datos: Q13049199- Multimedia: Iglesia de la Asunción, Castejón del Puente / Q13049199
