Ignacio de Luzán
| Ignacio de Luzán Claramunt de Suelves y Gurrea | |
|---|---|
| Información personal | |
| Calendata de naixencia | 28 de marzo de 1702 |
| Puesto de naixencia |  Zaragoza (comarca de Zaragoza, Reino d'Aragón)
|
| Calendata de muerte | 19 de mayo de 1754 |
| Puesto de muerte |  Madrit (Espanya)
|
| Ocupación | Escritor, poeta y dramaturgo |
| Conchuche | María Francisca Mincholet (1736- ) |
Ignacio de Luzán Claramunt de Suelves y Gurrea, naixito de Zaragoza (comarca de Zaragoza, Reino d'Aragón) o 28 de marzo de 1702 y muerto en Madrit (Espanya) o 19 de mayo de 1754, estió un escritor, poeta y dramaturgo aragonés d'o Neoclasicismo, que escribió en castellán (y tamién en italián).
Fillo d'Antonio de Luzán, d'o linache d'os Luzán, sinyor de Castillazuelo y Gubernador d'o Reino d'Aragón, Ignacio de Luzán se formó en dominios d'a Corona d'Aragón como Barcelona, Palma de Mallorca u Milán (u en países aliatos como Chenova), rematando a suya formación con estudeos de Dreito en os territorios d'a Corona de Nápols (Reino de Nápols) y Palermo (reino de Secilia), licenciando-se en Dreito por a Universidat de Catania. Mientres istos estudeos alazetó a suya carrera literaria, encluyendo-ie traduccions de clasicos italians.
En rematar ista formación, tornó a Aragón en 1733, treballando t'o suyo chirmán como administrador d'as suyas propiedatz en l'actual provincia de Uesca, dica que en 1741 marchó enta Madrit, a on continó desembolicando con a-saber-lo exito a suya carrera literaria. En 1747-1750 treballó en París como secretario de l'ambaixata espanyola.
A suya obra mas conoixita ye La Poética o reglas de la poesía en general y de sus principales especies, publicata en 1737.
ObrasEditar
- 1728: Razonamiento sobre la poesía.
- 1729: sueño del buen gusto.
- 1737: La Poética o reglas de la poesía en general y de sus principales especies.
- 1742: La virtud coronada (drama).
Vinclos externosEditar
- (es) Ignacio de Luzán en a Gran Enciclopedia Aragonesa.