Horizons West
Horizons West (títol orichinal en anglés, en aragonés Horizonts de l'ueste, enguerada en Aragón con o suyo títol traduciu enta lo castellano como Horizontes del Oeste) ye una cinta de cine de western de cine estausunidense de l'anyo 1952 dirichida por Budd Boetticher seguntes un guión orichinal de Louis Stevens, con una banda sonora orichinal de Henry Mancini y Herman Stein, una dirección de fotografía de Charles P. Boyle y una producción cinematografica d'Albert J. Cohen ta la productora cinematografica Universal Pictures. Conta con un elenco formau por os actors Robert Ryan, Julie Adams, Rock Hudson, Judith Braun, John McIntire, Raymond Burr, James Arness, Dennis Weaver, Frances Bavier, Tom Powers, John Hubbard, Rodolfo Acosta, Douglas Fowley, Walter Reed, Raymond Greenleaf, Dan Poore, Frank Chase y Mae Clarke, en os suyos papels principals.
Dan y Neil Hammond son dos chirmano que han combatiu en a Guerra Civil d'os Estaus Unius como soldaus de l'exercito d'os Estaus Confederaus d'America y que en rematar a guerra con a suya redota tornan en a suya casa en Texas. Tanimientres, las ambicions de l'uno y de l'atro son bien diferents. Neil nomás piensa que en aduyar a su pai en o treballo y l'administración d'o rancho familiar, pero Dan ye muito mas ambicioso. Dimpués de recibir una carada de Cord Hardin, lo suyo obchectivo ye nomás que fer diners ta convertir-se en un gran hombre de negocios de Texas como lo ye Card. D'atra mar, Lorna, la muller de Card a qui iste no tracta pas masiau bien, prencipia a avitar suenios romanticos con Dan, y cuando iste muere fa una voda con él. Poquet a poquet Dan funda un amplo emporio comercial, estando l'alazet d'o suyo capital o robo de vacumen. En iste proceso prencipia a vulnerar de contino la lei y ixo provoca tensions con os suyos antigos vecinos y amigos per tamién con u chirmano y mesmo con su pai, tensions que desembocan en una luita ubierta entre éls.
A cinta s'ambienta en Texas en os anyos 1860 y las suyas escenas se filmoron en Newhall (California) y en os Universal Studios en Universal City, tamién en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ (en) Enguero d'Horizons West en Internet Movie Database.
- ↑ (en) Localizacions de Horizons West en Internet Movie Database.
- ↑ (en) Horizons West en Internet Movie Database.
Datos: Q3227795
