Hermana, ¿pero qué has hecho?
Hermana, ¿pero qué has hecho? (títol orichinal en castellano, en aragonés Chirmana, pero qué has feito?, enguerada en Aragón con o suyo títol orichinal) ye una cinta enguerada l'anyo 1995 de cine espanyol de cine de comedia policiaca dirichida por Pedro Masó seguntes un guión orichinal d'él mesmo y de Santiago Moncada, con una banda sonora orichinal de Gregorio García Segura, una dirección de fotografía de Fernando Arribas y una producción cinematografica de Pedro Masó ta las productoras Antena 3 Televisión, Canal+ España, Entertainment One y Pedro Masó Producciones Cinematográficas. Conta con un elenco d'o cual en fan parte, en os suyos papels principals, os actors Lina Morgan, Tote García Ortega, José Manuel Cervino, Aurora Bautista, Manuel Tejada, Paca Gabaldón, Jesús Castejón, Beatriz Rico, Luis Fernando Alvés, Neus Asensi, Josep Maria Pou, Pilar Bardem, Marisa Porcel, Manolo Royo, Francisco Merino, Antonio Canal, Luis Varela y María Elena Nieto.
Dos monchas fan un atraco en un banco d'a ciudat de Madrit. As camaras de seguridat han grabau a las autoras y quedan identificadas como sor Ángela y sor María, monchas en un convento d'a ciudat que se troba en dificultaz economicas. Tanimientres, a Policía bien luego para cuenta que las autoras d'o delicto teneban una achilidat impensable en una monchas d'edat abanzada como son sor María y sor Ángela. En realidat, qui ha cometiu l'atraco han estau Nati y Chelo, que levaban unas mascaras con as caras d'as monchas, encara que ni sor Ángela y sor María no son completament inocents d'o robo, porque lo heban pactau con as autoras ta encubrir-las. Pero cuan Nati y Chelo s'apoderan d'os diners ta ellas solas, a las monchas nomás lis queda que buscar-las, lo mesmo que ye fendo la Policía. Amás a cosa se complica porque sor Ángela tien una chirmana cheminuca, Trini Montero, adedicada a lo mundo de l'espectaclo, sobre qui tamién recayen as sospeitas d'a Policía.
A cinta s'ambienta en a suya epoca actual (1995) en a ciudat de Madrit y las suyas escenas sefilmoron integrament en ixa mesma ciudat, fueras d'escenas rodadas en o convento de Sant Bertolomeu de Lupiana en Lupiana, en a provincia de Guadalachara en Castiella-La Mancha.[2]
Ye una cinta que ha recibiu bella nominación a premios cinematograficos, encara que ista nominación no ha estau a garra premio d'os mas conoixius u destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q126692575
