Hell on the Border
Hell on the Border (títol orichinal en anglés, en aragonés Infierno en a muga, enguerada en Aragón con o suyo títol traduciu enta lo castellano como Infierno en la frontera) ye una cinta de l'anyo 2019 de cine estausunidense de cine de western biografico dirichida por Wes Miller seguntes un guión orichinal d'él mesmo, con una banda sonora orichinal de Sid De La Cruz, una dirección de fotografía de Ron Bowjack Bourdeau y Michael Brouphy y una producción cinematografica de DJ Dodd, Curtis Nichouls, Henry Penzi, Carlos Velazquez y Sasha Yelaun ta las productoras Sweet Unknown Studios, Future Proof Films y Wing and a Prayer Pictures. Conta con un elenco formau por David Gyasi, Ron Perlman, Frank Grillo, Zahn McClarnon, Gianni Capaldi, Manu Intiraymi, Ashley Atwood, Jaqueline Fleming, Kerrington Gilbert, Chris Mullinax, Michael Aaron Milligan, Randy Wayne, Marshall R. Teague, David William Arnott, Amber Sweet, Alexander Kane, Nick Loren y Rudy Youngblood, entre d'atros actors.
Hell on the Border s'inspira en a vida de Bass Reeves (1838-1910), un afroamericano que estió lo primer "marshall" afroamericano a l'ueste d'o río Misisipi. Conta cómo lo protagonista ye un antigo esclavo que consiguió fuyir d'a esclavitut y agora ye propietario de tierras y, a la vegada, aduyant d'un "marshall" (encara que en realidat ye él qui fa la parte mas important d'o treballo), a on practica las habilidaz ta rastriar que heba aprendiu d'os amerindios (cherokees, creek y seminolas) cuan fuyó d'a esclavitut. O chuez Isaac Parker li yera ufrindo de convertir-se en "marshall" cuan l'atacoron ta matar-lo uns familiars d'hombres que él heba chuzgau y Bass los mata. En estar un d'ellos un blanco, bels racistas quierez chuzgar a Bass, pero lo chuez li ufre alavez que marche a capturar a un perigloso asasino que acaba de ninviar-li la cabeza d'un "marshall" que ha matau, con a estrela d'o suyo cargo en a boca. Denguno no quiere acompanyar-lo, excepto un delincuent que Bass heba capturau como aduyant, a qui lo chuez li ufre de perdonar-lo si consiguen tornar con l'asasino, mesmo que ufre a Bess o cargo de "marshall".
A cinta s'ambienta en Arkansas en 1875, y las suyas escenas se filmoron en Bessemer y McCalla en Alabama.[2]
Ye una cinta que ha recibiu bels premios y nominacions, pero garra d'éls perteneixe a los premios cinematograficos mas conoixius u detacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q101245217
