Hafenstraße
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
  Hafenstraße
| |
|---|---|
 Hafenstraße | |
| Ciudat | Hamburgo |
| Districto | Hamburgo-Centro |
| Barrio | St. Pauli |
 
| |
A Hafenstraße (en alemán Hafen - puerto; Straße - carrera) ye una carrera situata en o barrio de St. Pauli, en o districto d'Hamburgo-Centro en Hamburgo, Alemanya.
Ye conoixita por estar d'antis mas una zona d'ocupación. O movimiento ocupa prencipió en 1981 en casas viellas d'as carreras St. Pauli-Hafenstraße y Bernhard-Nocht-Straße que se trobaban desocupatas.
Actualment bi ha en a Hafenstraße 12 casas cooperativas administratas por os suyos residents.
Historía
editar
Encara que se fa referencia a ista carrera como una zona d'ocupación, mientres a suya historia han existito cuantos contractos entre os habitadors d'as casas y l'antigo propietario d'istas, o concello d'Hamburgo.
Entre a primera ocupación d'os edificios y l'anyo 1992 bi habioron a sobén disturbios y conflictos violentos entre os ocupas y as fuerzas policials u grupos de hooligans faixistas. Asinas se diz que s'orichinó o Bloque negro, tactica de manifestación en que toz os manifestants levan ropa negra ta mirar de no estar identificatos por a policía.[1]
En os anyos 1980 a Hafenstraße estió un important punto de conflicto ta o movimiento ocupa. A solidaridat con dito movimiento fació que se creyase refuse contra o estato. En zaguerías d'os anyos 1984 y 1990 se i facioron reunions en as que participoron dica 5.000 personas. Os prencipals temas que se i tractoron estioron a ocupación, as politicas-OTAN y anti-nucleyars, os dreitos d'os prisioners politicos y a solidaridat international.
En 1987, en rematar o primer contracto con o concello, se i construyoron barracalas ta esfender as casas ocupatas. Una radio pirata, a "Radio Hafenstraße", se creyó un mes antis ta dar información d'a situación. Dimpués de 8 días de barracalas, se sinyó un nuevo contracto entre os ocupas y a chent que los refirmaba y a ciudat d'Hamburgo.
En 1990 s'encetó una campaya en contra d'a Hafenstraße, argumentando que i viviban seguidors d'a Fracción de l'Exercito Royo (RAF). A policía dentró en a zona por orden d'o fiscal cheneral d'o estato, encara que habió de marchar en no encontrar prebas que refirmasen ditas alegacions.
En rematar atra vegada o contracto as casas se vendioron a una cooperativa ta evitar potencials conflictos entre os residents y o estato.
Referencias
editarVinclos externos
editar
Se veigan as imáchens de Commons sobre Hafenstraße.
Datos: Q328372- Multimedia: Hafenstraße (Hamburg) / Q328372
