Guillén d'Aigrefeuille
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Guillén d'Aigrefeuille | |
|---|---|
| Arcebispe de Zaragoza | |
 | |
| 19 de chinero de 1347-10 d'aviento de 1350 | |
| Predecesor | Pero de La Jugie |
| Succesor | Lope Ferrández de Luna |
| Naixencia | 1326 Sent Sepieri (Occitania)
|
| Muerte | 4 d'octubre de 1369.svg){kind=small} Viterbo (Estaus Pontificios)
|
| Enterreco | Sant Marcial de Limoches |
| Pai | Guillén d'Aigrefeuille |
| Mai | Aigline de Tudeils |
Guillén d'Aigrefeuille, o viello (La Font (Corresa), 1326 - Viterbo, 4 d'octubre de 1369), conoixiu como o cardenal de Zaragoza, naixió d'a diocesi de Limoches.[1] Segundo fillo de Guillén d'Aigrefeuille y d'Aigline de Tudeils,[2] estió chirmán d'Aymar d'Aigrefeuille, mariscal d'a Cort pontificia d'Avinyón, y d'o cardenal Faydit d'Aigrefeuille, y tío d'o cardenal Guillén d'Aigrefeuille o choven.
Biografía
editarCardenal a os vinticuatre anyos
editarA suya carrera eclesiastica se debió a o suyo primo Pero Rucher, o futuro Climent VI. Prencipió estando benedictino en Bèuluòc y dimpués en o monesterio de La Grassa en a diocesi de Carcasona. O suyo primo, por ixas envueltas arcebispe de Roan, lo nombró prior de Saint-Pierre d'Abbeville.[3]
Poco dimpués d'a suya elección como papa, Climent VI lo nombró protonotario apostolico y auditor d'a Sagrada Rota d'Avinyón. Teneneba a tamas vinte anyos cuan o suyo primo lo nombró arcebispe de Zaragoza o 19 de chinero de 1347.[3]
Fue nombrau cardenal de Santa María en Trastevere en o consistorio d'o 17 d'aviento de 1350.[3] En iste consistorio amás se convirtioron en cardenals Raymond de Canillac, Pierre de Cros y Étienne de la Garde, tamién parients y aliaus d'o papa.
Legau d'Inocencio VI y d'Urbán V
editarDos anyos dimpués, o 16 d'aviento, estió entre os 25 cardenals d'o Sacro Colechio que asistioron a o conclau pa trigar a o succesor de Climent VI.[3] o 18 d'aviento de 1352, resultó trigau atro lemosín, o cardenal Étienne Aubert, que prenió o nombre d'Inocencio VI. Iste papa fació a Guillén o suyo legau en Sicilia, en l'anyo 1355 pa administrar o reino de Trinacria, dimpués d'a muerte d'o rei Ludovico.[3]
En morir Inocencio VI, o 22 de septiembre de 1362, fuoron 24 os cardenals que se reunioron en conclau. Seis días dimpués, Guillén de Grimoard, abat de Sant Víctor de Marsiella, fue trigau papa con o nombre de Urbán V. A suya candidatura fue proposada y refirmada por o cardenal Aigrefeuille,[3] aconsellau por o suyo chirmán Pero, bispe d'Usès.[4]
En reconoiximiento, o nuevo papa lo ninvió, o 4 d'aviento de 1362, como legau debant de Pero I de Castiella, que plegaba de matar a la suya muller, Blanca de Borbón (cunyada d'o Delfín de Francia, Carlos) y protechida d'o propio papa.[3]
Fundador d'o Prencipau d'Andorra
editarFue nombrau cardenal presbitero de Santa Susana por Urbán V en octubre de 1363 y convertido en Camarlench d'o papa, y feito Cardenal bispe de Sabina o 17 de setiembre de 1367. Siguió a o papa cuan tornó ta Roma ixe mesmo anyo. Urbán V lo nombró arbitro en o conflicto entre o bispe d'Urchel y Gastón Febus, conte de Foix, sobre Andorra.[3] O cardenal redactó unos estatutos convertindo Andorra en un prencipau gubernau por dos coprencipes.
O cardenal muere empestau
editar
En 1368, Guillén d'Aigrefeuille, ya cardenal bispe de Sabina, solicitó mercedes pa os suyos primos chirmans Bertrand de Vayrac[5] y Jean de Merle. Consagrau por Urbán V en as suyas nuevas funcions, fue nombrau legau en Nápols.[3]
O 4 d'octubre de 1369 morió de peste en Viterbo. Apedecau ascape en a iesia d'os agostins consagrada a la Santísma Trinidat, dimpués as suyas restas se traeladoron ta Sant Marcial, en Limoches, a on se construyió un magnifico sepulcre.[3]
O suyo escudo se troba en as claus d'as bovedas d'a ilesia de la Roche, a on heba fundado a vicaría de Sant Marcial u de Grafeuille-La Font.
Referencias
editar- ↑ O epitafio d'o primero d'os cardenals d'Aigrefeuille, diz: «oriundus de loco de Fonte, Diœcesis Lemovicensis» (naixiu en o lugar de la Font, diocesi de Limoches). Pero iste feudo no será d'os Aigrefeuille dica 1343.
- ↑ Amás d'Aymar, Guillén y Faydit, la parella tendrá atros ueito fillos: Pero (bispe), Remón (bispe), Bernal (bispe), Istevan (abat), Alionor (que casó con Bertrand de Vayrac), Florence (abadesa d'Elnon en Rouergue y d'o monesterio cisterciense de Nonenque, comuna de Marnhagas e la Tor en a diocesi de Vabres), Margalida (que casó con Bertrand de Saillac) y Remona (relichiosa en Notre-Dame de la Règle en Limoches).
- ↑ 3,00 3,01 3,02 3,03 3,04 3,05 3,06 3,07 3,08 3,09 (en) Salvador Miranda, Cardinal Guillaume d'Aigrefeuille l'Ancien, University Park, Miami, FL 33199, 2009
- ↑ Pero d'Aigrefeuille conoixeba muit bien a Guillén de Grimoard, que heba estau o suyo Vicario Cheneral en as diocesis de Clarmont y d'Usès.
- ↑ Bertrand yera o fillo de Bertrand de Vayrac y d'Alionor d'Aigrefeuille.
Bibliografía
editar- (fr) Fr. du Chesne, Histoire de tous les cardinaux françois de naissance, París, 1660.
- (fr) É. Baluze, Vitae paparum Avenionensium, sive collectio actorum veterum, Vol. I et II. París, 1693.
- (fr) A. de Boyes et Fr. Arbelot, Biographie des Hommes illustres de l’ancienne province du Limousin, Limoches, 1854.
Vinclos externos
editar- (en) Guillén d'Aigrefeuille en Catholic-Hierarchy.
| Predecesor: Pero de La Jugie |
Arcebispe de Zaragoza 19 de chinero de 1347-10 d'aviento de 1350 |
Succesor: Lope Ferrández de Luna |
Datos: Q2437913
Multimedia: Guillaume d'Aigrefeuille l'Ancien / Q2437913
