Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

George Cocci (feneixiu en 1546) estió un impresor alemán radicau en Zaragoza y activo en a primer metat d'o sieglo XVI. Estió propietario d'una d primeras y mas importants d'Aragón y d'Espanya en ixas envueltas.

Primer edición de l'Amadís de Gaula de Garci Rodríguez de Montalvo, imprentau en Zaragoza por George Cocci en 1508.

S'asoció con os tamién alemáns Leonardo Hutz y Luppo Appenteger ta imprentar antes de 1503 un Breviarium Romanum. Ixa anyada, George Cocci de conchunta con Leonardo Hutz imprentoron o Breviario de Valencia y ya en 1504, Cocci pasó a treballar como o solo propietario d'a imprenta. En ixa imprenta zaragozana salió a la luz en 1508 a primer edición de Los cuatro libros del virtuoso caballero Amadís de Gaula, refundida y escrita en o su suyo zaguer libro por Garci Rodríguez de Montalvo, libro de caballerías que sería reimprentau buena cosa de vegatas entre o sieglo XVI.

Destacó tamién por a suya fayena como editor d'a obra de l'humanista alcanyizano y medico Juan Sobrarias, un d'os prencipals empentadors d'o renaixencia d'a cultura clásica en Aragón y excelent poeta neolatín.

As suyas publicacions impresas, de gran calidat, fan arredol de trescientos libros. A ormino feba servir en as suyas estampacions un tintau bicolor royo y negro, con una abundant presencia de gravaus. As suyas Décadas de Tito Livio se consideró por beluns como o impreso mas poliu d'o sieglo XVI.

Cocci yera muit amigo con o escultor valenciano afincau en Zaragoza Damián Forment. A traviés d'iste impresor, Forment podió conoixer a obra d'o pintor Durero que dimpués li sirvió como fuent d'inspiración ta fer as trazas de bels retablos.[1]

Ediciones impresas por George Cocci editar

Referencias editar

  1. Carmen Morte García. Damián Forment y el Renacimiento en Aragón. Cuadernos de Arte Español. Historia 16. ISBN 84-7679-199-2

Bibliografía editar

Vinclos externos editar