Gara (diario)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gara
Información cheneral
Lema	Euskal Herriko Egunkaria
Periodicidat	Diaria (Publicación de maitins)
País	Euskal Herria
Distribución	País Basco y Navarra
Seu	Sant Sabastián
Fundación	1999
Carácter	Cheneralista
Ideolochía	Ezquierda abertzale, nacionalismo basco, socialismo, ezquierdas
Idioma	Basco y castellano
Pre	1,40€
Difusión	97.000 eixemplars
Editora	Euskal Komunikabideen Hedapenerako Elkartea (EKHE S.A.)
Director	Iñaki Soto
Columnistas	Artemio zarco, Floren Aoiz, Mertxe Aizpurua, Gloria Rekarte, Gorka Andraka
Caricaturistas	Tasio

Gara (en basco "Somos") ye un periodico bilingüe basco/castellano publicato en a ciudat de Sant Sabastián, en Guipuzcua. Se caracteriza por estar un periodico d'ezquierdas y independentista basco.

Historia

Naiximiento

Gara amanixió en 1999 ta plenar o vueito que heba deixato o periodico de tamién editorial independentista y d'ezquierdas Egin, que heba estato zarrato por orden chudicial d'o chuez Baltasar Garzón. En o marco d'o sumario 18/98, o chuez Garzón heba actuato contra a cupula d'ETA, refirindo-se a os que consideraba diversos "instrumentos operativos" d'a organización terrorista relacionatos tanto con o suyo soporte financiero como con a "difusión d'os planteyamientos d'a suya estratechia". Asinas, dimpués d'ilegalizar cuantas empresas y organismos baixo l'acusación d'estar relacionatas con a estructura financiera d'ETA, Garzón decretó o 15 de chulio de 1998 o cierre d'o diario Egin (chunto con a radio Egin Irratia y atras empresas relacionatas), considerando que yeran integratas en a estructura d'ETA.

Meyo anyo dimpués, amanixeba Gara (30 de chinero de 1999). Conta con 97.000 lectors diarios.

En rematar a instrucción d'o caso Egin, l'Audiencia Nacional rebaixó l'acusación de colaboración con banda armata, lo que feba inchustificato o cierre. Pero allora, Orain S.A. ya heba dentrato en bancarrota, y o sector de mercato d'Egin heba estato cubierto por o diario Gara. Ni o diario Egin nian a radio tornoron a meter-sen en funcionamiento.

Lanzamiento

O diario Gara apareixió por primera vegata en os quioscos o 30 de chinero de 1999. O suyu naiximiento estió cuatre meses dimpués de que se sinyase o Pacto d'Estella y, dende a suya aparición, o periodico fació suyo "o proposito de resolución, dende o respeto a os prencipios democraticos y a la realidat nacional basca, d'o conflicto historico que afecta a Euskal Herria".

Capital popular

O nuevo diario naixió dimpués d'una campanya popular en a cuala arredol de 10.000 personas se convirtioron en accionistas d'o periodico. O capital con que prencipió o nuevo prochecto estió de 1.000 millons de pesetas, aportatos por ixos accionistas populars, con que se creyó a empresa Euskal Herriko Komunikabide Elkartea (Asociación de Medios de Comunicación d'o País Basco). Ista empresa tamién ha feito atros prochectos comunicativos como Le Journal du Pays Basque en o País Basco francés y a radio libre Info 7.

A primera plantiella d'o diario yera formata por 65 profesionals, dirichitos por a periodista d'Usúrbil Mertxe Aizpurua.

O 9 de chinero de 1999, se difundió un "numero zero", en que se apareixeban as razons ta creyar o nuevo periodico asinas como os prencipals elementos d'a suya linia tanto informativa como editorial. Dimpués d'ixe primer contacto, o 30 de chinero de 1999 plegaba o primer numero de Gara a os quioscos.

Actualidad

O 14 de chulio de 2008 fuents d'o diario afirmoron que a seu de Gara en Pamplona yera sosmesa a ascuitas telefonicas por parti d'a Policía Nacional de Pamplona.

Vinclos externos

• (es)(eu) www.gara.net

• Datos: Q1493861