Os galatas estioron una confederación formata por tres pueblos celtas (tectosaches, tolistobochios y trocmios) que conquirioron un sectos central d'Asia la Chica dimpués conoixito como Galacia. Galatas (en griego Galatai ye tamién como Hieronimo de Cardia y atros autors clasicos denominaban a los celtas y en particular a los que invadioron Macedonia, Tracia y Grecia. Teneban como centro Drunemeton, que presenta en a suya etimolochía o nemeton u calvera d'a selva on os druidas en atros países celtas celebraban reunions y rituals. En Drunemeton se reuniban 300 senadors d'as 12 tetrarquías en as que se dividiban os tres pueblos.

Galo moribundo, estatua inspirata en a derrota d'os galatas por Atalo I de Pergamo.
Mapa d'a provincia romana de Galacia, en l'anterior territorio d'os galatas

Os celtas que bi heba en os Balcans y que recibiban a denominación de galatai trecurzoron o Estreito de Bosforo en l'anyo 278 aC clamatos por o rei de Bitinia. En l'anyo 232 aC s'establioron en a part septentrional d'as planas d'Anatolia Central por alcuerde entre diferents reinos helenisticos, y se mantenioron independients aproveitando a rivalidat entre o Reino de Ponto a lo norte y o Reino de Pergamo. O suyo territorio fue adhibito pa cutio en o Imperio Román en tiempos de César Augusto como Povincia romana de Galacia.

BibliografíaEditar