Francisco Loscos y Bernal
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Francisco Loscos y Bernal | |
|---|---|
| |
| Información personal | |
| Calendata de naixencia | 12 de chulio de 1823 |
| Puesto de naixencia |  Sant Per de Calanda (Baixo Martín, Aragón)
|
| Calendata de muerte | 20 de noviembre de 1886 |
| Puesto de muerte | Castelserás (Baixo Aragón, Aragón)
|
| Ocupación | Botanico |
Francisco Loscos y Bernal (* 1823, Sant Per de Calanda, - Castelserás, 1886) ye considerato lo botanico mes notable naixito d'Aragón.
Encara que la suya profesión estió la de farmaceutico y fació de farmaceutico en cualques lugars de Teruel, recorrió Aragón estudiando la suya flora. Estió colaborador y amigo de José Pardo Sastrón. Los dos redactoron en 1858 Plantas aragonesas. Serie metódica de plantas medicinales espontáneas, treballo inedito y y tresbatito.
Loscos consiguió renombre cientifico y colaboró con lo botanico alemán Heinrich Moritz Willkomm.
Por las dificultaz pa editar en Espanya, lo suyo amigo Willkomm lo aduyó a publicar en Dresde, en 1863, la suya obra Series inconfecta plantarum indigenarum Aragoniae.
Con Sastrón conchuntament publicó en 1867 Serie imperfecta de las plantas aragonesas espontáneas, obra en la que consignoron las 2.624 especies dica allora trobatas en la rechión.
Mantenió una intensa correspondencia con atros botanicos espanyols y foranos y publicó lumerosos articlos cientificos. A tamas de lo suyo esfuerzo y valura no li se reconoixió lo suyo treballo en Espanya.
Loscos tamién ye autor de Tratado de Plantas de Aragón, con succesivos Suplementos, abracando diez anyos. Describió por primera vegata bellas especies de plantas, belunas levan lo nombre d'Aragón, como Erodium aragonense u Reseda aragonensis; u bien son dedicatas a botanicos de la suya epoca, como Allium pardoi, Silene campoi u Thymelaea ruizi.
Vinclos externos
editar- http://www.ipni.org/ipni/idAuthorSearch.do?id=5766-1&show_history=false&output_format=normal
Wikispecies tiene un articlo sobre Francisco Loscos y Bernal.
Datos: Q3573578
Multimedia: Francisco Loscos Bernal / Q3573578- Especies: Francisco Loscos Bernal
