First Blood
- Iste articlo ye sobre una cinta canadiense y estausunidense de cine d'acción de 1982; ta atros usos, se veiga First Blood (desambigación).
First Blood (títol orichinal en anglés, en aragonés Primera sangre, enguerada en Aragón con o títol en castellano de Acorralado, en aragonés Acorralau) ye una cinta de cine d'acción de cine estausunidense de l'anyo 1982 dirichida por Ted Kotcheff seguntes un guión adaptau por Michael Kozoll, William Sackheim y Sylvester Stallone (basau en a novela First Blood, publicada por David Morrell en 1972), con una dirección de fotografía d'Andrew Laszlo, una producción cinematografica de Buzz Feitshans ta las productoras The Wallis Interactive, Carolco Pictures y Anabasis Investments, N.V., una banda sonora orichinal de Jerry Goldsmithy un elenco d'actors d'o cual en fan parte, en os suyos papels principals, Sylvester Stallone, Richard Crenna, Brian Dennehy, Bill McKinney, Jack Starrett, Michael Talbott, Chris Mulkey, John McLiam, Alf Humphreys y David Caruso. Ye la cinta a partir d'a cual se desembolicó la franquicia Rambo.
O protagonista d'a cinta, John J. Rambo, ye un antigo combatient en a guerra de Vietnam a on partecipó en bel grupo de fuerzas especials de l'xercito estausunidense y que agora ye a la busca d'os suyos antigos companyers d'armas, trobando-se con que toz han muerto ya. En plegar en una localidat en o estau de Washington se troba con un "sheriff" y los suyos aduyants que lo consideran un carnuz y lo persiguen y afrontinan sin conoixer brenca d'as suyas capacidaz de combate, dica que Rambo esclata, fuye a las montanyas y cuan lo continan afrontinando, busca la suya venganza. A cinta s'ambienta asinas en a suya epoca actual (1982) en o estau de Washington y, como arrecordanza d'o protagonista, en Vietnam, y las suyas escenas se filmoron en cuantas localidaz d'a Columbia Britanica en Canadá, incluyius os The Bridge Studios en Burnaby y las ciudaz de North Vancouver, Coquitlam, Port Coquitlam y Pitt Meadows.[2]
Ye una cinta que ha recibiu bels premio y bella nominación, encara que garra d'éls fa parte d'os premios cinematograficos mas destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ (en) Enguero de First Blood en Internet Movie Database.
- ↑ (en) Localizacions de First Blood en Internet Movie Database.
- ↑ (en) First Blood en Internet Movie Database.
Vinclos externos
editar- (en) First Blood en Internet Movie Database.
- (en) First Blood en AllMovie.
- (en) First Blood en l'American Film Institute Catalog de l'American Film Institute.
- (en) First Blood en Box Office Mojo.
- (es) First Blood en FilmAffinity.
- (fr) First Blood en Allociné.
- (en) First Blood en Rotten Tomatoes.
- (en) First Blood en TCM Movie Database.
- (en) First Blood en Metacritic.
- (en) First Blood en Netflix.
