Falciello

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un falciello (d'o latín <*FASCICULU, diminutivo de <FASCIU, «faixo») ye una zarpada de garbas u espigas de cerial que se liga chuntas fendo servir una cordeta u as propias pallas (tallo) d'una u mas d'una d'ellas.

Falciellos d'arroz.

Os falciellos son una forma comoda y simple ta agrupar as garbas conforme se siega, mas que mas en a siega manual, y permiten dipositar-las en tierra de forma ordenada y dificultando que l'aire pueda fer-las volar, y tamién transportar-las dimpués dica os puestos a on que se fa la trilla.

Os falciellos se recullen y se meten en un motilón cuan remata la siega en un campo, en aguardando o momento de cargar-los y lievar-los ta las eras, a on que se tornan a desligar y s'esparden as garbas por tierra ta formar a pallada.

Imáchens

• 
  Arreplegando os falciellos en un fardo.
• 
  Un motilón, feito de falciellos.
• 
  Falciellos mesos de piet.

Se veiga tamién

• Nieda.
• Paca.
• Motilón.
• Trena.
• Garba.
• Pallata.
• Rastullo.