FAST (Radiotelescopio)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O radiotelescopio esferico d'obridura de cincientos metros u FAST (de l'anglés: Five-hundred-meter Aperture Spherical radio Telescope; en chinés: 五百米口径球面射电望远镜), embotau Tianyan (天眼, literalment, "Uello d'o ciel")) ye un radiotelescopio ubicau en a depresión de Dawodang, una fueva natural en o condau de Pingtang, Guizhou, sudueste de China. FAST tien un plato fixo de 500 m de diametro. Ye o radiotelescopio d'obridura plena mas gran d'o mundo y a segunda obridura mas gran d'un solament plato, dimpués d'o RATAN-600 en Rusia.

Tien un disenyo novedoso, que utiliza una superficie activa feita de panels de metal que se pueden abocar automaticament pa aduyar a cambiar l'enfoque a diferents arias d'o ciel. A cabina que contiene l'antena d'alimentación, suspendida de cables sobre o plato, puede mover-se automaticament por meyo de l'uso de cabrestantes pa endrezar o traste pa recibir sinyals de diferents adrezas. Observa a longarias d'onda de 10 cm a 4,3 m.

A construcción de FAST prencipió en 2011. S'observó por primera vegada en setiembre de 2016. Dimpués de tres anyadas de prebas, se declaró en pleno funcionamiento l'11 de chinero de 2020.

O telescopio fació o suyo primer escubrimiento, de dos nuevos pulsars, en agosto de 2017. Os nuevos pulsars PSR J1859-01 y PSR J1931-02, tamién denominaus FAST pulsar #1 y #2 (FP1 ay FP2), estioron detectaus o 22 y 25 d'agosto de 2017; son a 16.000 y 4.100 anyos luz de distancia, respectivament. L'Observatorio Parkes en Australia confirmó de forma independient os escubrimientos o 10 de setiembre de 2017. En setiembre de 2018, FAST i heba descubierto 44 nuevos pulsars.

Datos: Q1827255
Multimedia: Five hundred meter Aperture Spherical Telescope / Q1827255