Estanislau Konarski

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Estanislau Konarski
Información personal
Calendata de naixencia 30 de setiembre de 1700.
Puesto de naixencia Żarczyce (Republica d'as Dos Nacions), hue Polonia)
Calendata de muerte 3 d'agosto de 1773
Puesto de muerte Varsovia (Republica d'as Dos Nacions), hue Polonia)
Ocupación Escritor, poeta y pedagogo

Estanislau Konarski (en polaco: Stanisław Konarski; o suyo nombre real yera Hieronim Franciszek Konarski), naixito lo 30 de setiembre de 1700 a Żarczyce (Republica d'as Dos Nacions) y muerto lo 3 d'agosto de 1773 a Varsovia (Polonia), yera un pedagogo polaco, un reformador educativo, un escritor politico, un poeta, un dramaturgo, un monche d'Escuelas Pías y o precursor principal d'a Ilustración en Polonia.

Medalla de 1765 con o retrato de Stanislas Konarski y a inscripción en latín: Sapere auso

Entre 1725 y 1727 Konarski estudió a lo Collegium Nazarenum en Roma, an se fa un profesor de retorica. A continuación, t'amillorar a suya educación, viachó enta Francia, Alemanya y Austria. En 1730 tornó enta Polonia y prencipió un treballo sobre un nuevo texto d'a lechislación polaca (Volumina legum).

De 1736 Konarski estió mayestro a lo Collegium Resoviense en Rzeszów y en 1740 establió o Collegium Nobilium, una escuela elitista de Varsovia ta fillos d'as personas d'alta clase social ("szlachta"). Dimpués, reformó as Escuelas Pías en Polonia, d'alcuerdo con o suyo programa educativo (Ordinationes Visitationis Apostolicae..., 1755). As suyas reformas se tornoron un punto important en a luita d'o sieglo XVIII ta modernizar o sistema educativo polaco.

A lo prencipio, Konarski estió asociato politicament con o Rei Estanislau Leszczynski; mas tardi, s'amanó a la "Familia" de Czartoryski y o Rei Estanislau II Poniatowski, participando en as conoixitas "cenas de chueves". Estanislau II Poniatowski fació que una medalla fuese acunyata en honor de Konarski, con o suyo retrato y a inscripción latina bien-mereixita, Sapere auso.

Vinclos externos editar