Escudo d'Aragón
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O escudo d'Aragón se trestalla en cuatre cuartels:
- Primer cuartel: Sobre un campo d'oro, una carrasca desenradigata (l'árbol de Sobrarbe), con siet rosigons, en as suyas colors naturals, coronata por cruz latina de gules (color royo). Representa a l'antigo Reino de Sobrarbe.
- Segundo cuartel: A Cruz d'Enneco Ariesta, una cruz d'archent sobre un campo d'azur (color azul). Yera o emblema de l'antigo Aragón.
- Tercer cuartel: A Cruz de Sant Chorche remera a conquiesta de Uesca por as tropas de Pero I en 1096 con l'aduya de Sant Chorche. Ye una cruz de gules sobre un campo de plata, con cuatre tozuelos de moros, un en cada canto y con cintas d'archent.
- Cuatreno cuartel: As barras d'Aragón, d'oro, 4 palos de gules.
Dencima d'o escudo ye a Corona Reyal d'os reis d'Aragón.
Variants d'o escudo d'Aragón en l'actualidat
editar
- O escudo d'o Chusticia d'Aragón adibe a o escudo d'Aragón un ánchel que simboliza a veixilancia y a protección d'os dreitos d'os aragoneses.
- En o escudo d'a Universidat de Zaragoza apareixe a la dreita de Sant Pero un escudo d'Aragón, pero l'orden d'os cuartels ye distinto. En o cuartel superior ezquierdo ye a cruz d'Enneco Ariesta, en o superior dreito a cruz de Sant Chorche, en o inferior ezquierdo l'árbol de Sobrarbe y en o inferior dreito as barras d'Aragón. Iste zaguero ye l'unico cuartel que tien a misma posición que en o escudo d'Aragón.
Datos: Q2304688
Multimedia: Coats of arms of Aragon / Q2304688
