Erin Brockovich (cinta)
- Iste articlo ye sobre una cinta estausunidense de cine biografico y de chudicios de l'anyo 2000; ta l'activista sobre a cual tracta la cinta, se veiga Erin Brockovich.
Erin Brockovich (títol orichinal en anglés, enguerada con ixe mesmo títol en Aragón) ye una cinta de cine de drama biografico de cine de chudicios de l'anyo 2000 dirichida por Steven Soderbergh seguntes un guión orichinal de Susannah Grant, con una dirección de fotografía d'Ed Lachman, una producción cinematografica de Danny DeVito, Michael Shamberg y Stacey Sher ta las productoras Universal Pictures, Columbia Pictures y Jersey Films, con una banda sonora orichinal de Thomas Newman y un elenco composau por os actors Julia Roberts, Albert Finney, Aaron Eckhart, Marg Helgenberger, Tracey Walter, Peter Coyote, Cherry Jones y Conchata Ferrell.
Ye una cinta a on se conta un feito real d'un caso de polución medioambiental escaiciu en una localidat de California, Hinkley, cuan se produció una greu contaminación d'o subministro d'augua potable provocau por a Pacific Gas and Electric Company, en a investigación d'o cual destacó Erin Brockovich, qui prencipió alavez a suya fama como actvista en a luita por a esfensa d'o medio ambient. A cinta s'ambienta en a suya epoca actual (2000) en California y las suyas escenas se filmoron en Hinkley, Barstow Baker, Oxnard, Los Angeles y bellas atras localidaz de California y en o disierto de Mojave.[2]
Se tracta d'una cinta que ha recibiu cuantismos premios y nominacions, en destacando un Premio Oscar en a suya 73ena edición a la Millor Actriz, amás d'atras cuatre nominacions (incluyindo-ie a la Millor Cinta, Millor Director, Millor Guión Orichinal y Millor Actor Segundario); un Premio BAFTA en a suya 54ena edición a la Millor Actriz, con atras cinco nominacions (incluyindo-ie Millor Cinta, Millor Director y Millor Actor Segundario); y un Premio Globos d'Oro a la Millor Actriz Dramatica con atras tres nominacions (Millor Cinta Dramatica, Millor Actor Segundario y Millor Director).
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero d'Erin Brockovich en Internet Movie Database.
- ↑ (en) Localizacions d'Erin Brockovich en Internet Movie Database.
- ↑ (en) Erin Brockovich en Internet Movie Database.
Vinclos externos
editar- (en) Erin Brockovich en Internet Movie Database.
- (en) Erin Brockovich en TCM Movie Database.
- (en) Erin Brockovich en AllMovie.
- (en) Erin Brockovich en Box Office Mojo.
- (en) Erin Brockovich en Rotten Tomatoes.
- (en) Erin Brockovich en Metacritic.
- (es) Erin Brockovich en FilmAffinity.
- (fr) Erin Brockovich en Allociné.
- (en) Erin Brockovich en l'American Film Institute Catalog de l'American Film Institute.
Datos: Q220955
