Dorondón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un dorondón ye una boira tan frida que produce rosada. A diferencia d'atras boiras en as que se plega a lo punto de conchelación, o dorondón se produce en os fondons y con aire quieto y o deposito de rosada ye regular y sin reflectar direccions a favor u en contra de l'aire. Son frecuents en os meses d'aviento y chinero en as riberas d'a Val d'Ebro y as partes baixas d'o semontano iberico oriental, mientres que en as parz altas d'o semontano y primeras sierras d'o Sistema Iberico o cielo ye soliau, no guaire frido y sin viento important. Si o dorondon dura unas cuantas semanas as rametas d'os arbols pueden cubrir-sen d'un cilindro de rosada de mas d'un centimetro de grosor por no fundir-se a primera que se formó.

Dorondón.

Atros fenomenos meteorolochicos comparables en atras parz d'o mundo son o pogonip de l'ueste d'Estaus Unius y as boiras de Yakutsk (Siberia).

Vinclos externos

• Terminolochía meteorolochica en a Peninsula Iberica.
• Debate en celtiberia sobre a palabra.