Donostialdea

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Donostialdea ye una comarca d'o País Basco situata en Guipuzcua. A comarca ye formata por as poblacions que se troban a mán d'a ciudat de Sant Sabastián, prencipal ciudat y capital d'a provincia de Guipuzcua, formando un aria metropolitana de bells 315.000 habitants.

Donostialdea
Comarca d'o País Basco
Placha d'a Concha en Sant Sabastián
Capital  •Municipios	Sant Sabastián 11
Entidat  •País  •Provincia	Comarca  País Basco Guipuzcua
Superficie  •Total	305,72 km²
Población  •Total  •Densidat	(2006) 319.563 hab. 1045,28 hab./km²
Donostialdea en Guipuzcua

Tien una amplaria de 305,72 km². Se troba situata en a parti nord-este d'a provincia de Guipuzcua, en a parti baixa d'as cuencas d'os ríos Urumea, Oyarzun y Oria, anque no la desembocadura d'iste zaguero. Muga por l'este con a comarca d'a Baixa Bidasoa, por o sudeste con Navarra (comarcas d'as Cinco Villas y val de l'Urumea), por o sud con Tolosaldea y por l'ueste con Urola Costa. Por o norte muga con a mar Cantabrica.

A comarca gosa dividir-se en tres parzanas:

• Oarsoaldea: a parti más oriental d'a comarca; con os municipios situatos en a val d'o río Oyarzun y la redolada d'a Bayía de Pasaia: Lezon, Oyarzun, Pasaia y La Rentería. Prene o suyo nombre d'Oarso, l'antigo nombre tanto d'a val como d'a Bayía de Pasaia.
• Buruntzaldea: a parti más occidental d'a comarca; con os municipios situatos en as vals d'os ríos Oria y Urumea: Andoain, Astigarraga, Hernani, Lasarte-Oria, Urnieta y Usurbil. Prene o suyo nombre d'o mont Buruntza, situato entre as dos vals y quasi a la mesma distancia d'as tres prencipals localidatz: Andoain, Hernani y Lasarte-Oria.
• A ciudat de Sant Sabastián.