Descusión:Prefixo ex-

Sobre extrayer/estrayer < TRAHERE, excluyir/escluyir < CLODERE, extracción/estración, exclusión/esclusión. En bells casos los verbos con epentesi antihiatica son semicultismos (no se si en ye lo caso este), alavez yo no tiengo claro si s'han d'escribir con EX- como los cultismos u con es- como las parolas patrimonials.--EBRO (discusión) 14:37 9 chul 2012 (UTC)

Ixamplar versus Enamplar, Ixamplamiento versus Enampladura

He mirau agora ixamplar y enamplar en lo endiz de vocables. Tenemos ixamplar en l'aria sobrarbesa y ribagorzana pero no enamplar, que ye lo verbo que quan aprendébanos aragonés en los anyos 80 amostraban en textos y manuals. Creigo que si que he visto enamplar una vegada en un texto meyeval pero agora no lo trobo, por un regular examplar ye lo que veyeba, (ixa ex ye como feban en tierra plana y las comunidatz la ix de l'aragonés oriental, por ixo tenemos huei l'apelliu ejarque y ehea). ¿ cabe a posibilidat que enamplar siga un invento feito a partir de lo castellán en-s-anchar ?. Por atra part he visto que ixamplar significa tamién desplegar (las alas), alavez ¿ podría tamién valer pa "desplegar un poster central" u la portada d'un disco gran ?.--EBRO (discusión) 08:23 7 ago 2012 (UTC)

Mirando las seqüencias -npl- y -mpl- he visto examplar en muitos textos, dica en las traduccions rarizas dende l'anglonormando como lo Libro de las Marabillas. Las formas enamplar las he trobadas en pocos textos heredians Libro de los Conquiridors y Historias contra los Paganos, que son obras con menos caracters chenuínos que Rams de Flors u Secreto Secretorum.--EBRO (discusión) 08:50 7 ago 2012 (UTC)

Soi consultando agora l'Andolz y veigo enamplar (M.R), u siga Martínez Ruiz, diccionario que no da localidatz), y enampladura (Ch.V, que no trobo en las abreviaturas, pero que igual ye Chesús Vázquez). En o estudio sobre l'ansotano de Miguel Anchel Barcos sale enamplar y anchar. Me pareixe que enampladura no existe en aragonés natural (dialectal u meyeval) y enamplar debe estar aragonés occidental u meridional de zonas mugants con o castellán en tot caso, y talment feito dende modelos castellans. Si en unas semanas no trobo una referencia aragonesa dialectal u meyeval con enampladura pasaré a cambiar enampladura por ixamplamiento. Enamplar se puet deixar si ye que se diz en aragonés occidental.--EBRO (discusión) 10:25 7 ago 2012 (UTC)

Atros exemplos

En lo libro de Javier Terrado Pablo sobre l'aragonés terolano de lo sieglo XV salen unas parolas que encomienzan por EX- tanto patrimonials como cultismos y semicultismos: exaguadero, exanplar (que precisament la miraba), exarmientos, excomer ("desgastar"), exhigir, exida, exiliar, exilio, exir y l'arabismo exauega < xabaka.--EBRO (discusión) 10:38 7 ago 2012 (UTC)