Descusión:Ixota aragonesa

Último comentario: hace 13 años por EBRO

Creigo que s'habrá d'escribir hota...a no ser que faigamos servir de títol ixota, que se troba en una versión sobrarbesa d'o romance de Mariachuana.--EBRO 21:09 7 chul 2010 (UTC)Responder

Sí, habrá d'estar hota... encara que sone una mica rarizo... --Willtron (?) 21:11 7 chul 2010 (UTC)Responder
Deixando aparte a mía opinión personal sobre isto, o que dicen en iste punto ye que a forma normativa habría d'estar "ixota" (se veiga respuesta a las esmiendas 32 y 33: Quan un escritor quiera reflectar una pronunciación anormativa, allora dependerá d'o suyo propio criterio quál ye a traza de transcribir que millor pueda deszifrar o lector, ya que ixas formas desfonolochizadas u hibridas son un important tranco d'a sustitución lingüistica y o suyo uso no puet estar ni fomentau ni reglau.).
Asinas, si s'escribe a forma con consonant velar /x/, cal pensar si ye una desfonolochización d'a orichinal y alavez cal escribir "hota", u si ye dreitament un castellanismo lexico, en realidat no dicen cómo s'ha d'escribir (y alavez se podría escribir "jota" como en a luenga d'orichen). En definitiva, si se tracta d'una desfonolochización, l'articlo habría d'estar (ixota como articlo prencipal, con a variant castellanizada hota). Si consideramos que "jota" se prene dreitament como ampre d'o castellano, estoi que se puet continar escribindo jota (igual que escribimos crêpe), que en tot caso ye tan anormativo ta l'academia como hota. No sé si m'he explicau.--Juan Pablo 22:48 7 chul 2010 (UTC)Responder
Este ye o problema, que no sabemos guaire bien a etimolochía. Yo lo que veigo ye que si ye un ampre d'o castellán, no sería o mesmo caso que crêpe, porque ye muito enradigato en o lexico aragonés, pero claro, no ye o mesmo caso que hopar, una clara forma desfonolochizata, y entiendo o tuyo punto de vista. De todas trazas...si escribimos ixota rematan os problemas, siga a forma orichinal u una adaptación con xeada, y si no provién de GE, GI, IA, IO, IU, yo no tiengo garra problema en que en biquipedia escribamos ixota u xota.--EBRO 22:54 7 chul 2010 (UTC)Responder
Volver a la página «Ixota aragonesa».