Desastre
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Un desastre[1] ye una alteración seriosa de lo funcionamiento d'una comunidat u d'una sociedat con perdas humanas, materials u impactos ambientals que sobrepuya l'habilidat de la comunidat u sociedat afectada pa recuperar-se d'estas perdas fendo servir los suyos propios recursos[2].
En lo mundo academico actual los desastres son vistos como conseqüencia d'un risgo mal chestionau. Estos risgos son producto de la periglosidat y de la vulnerabilidat. Los periglos que bi ha en zonas con vulnerabilidat baixa nunca no esdevienen desastres. Tampoco no se desvién desastres en zonas no habitadas porque no bi ha garra exposición a ixe periglo.
EtimolochíaEditar
La palabra desastre ye una palabra transmesa en las luengas occidentals a traviés de l'occitán[3] y lo francés, formada con lo prefixo des- peyorativo (en latín DIS- y en griego dus-), y la radiz ASTER (griego clasico ἀστήρ, "estrela"). Lo significau de la palabra desastre dimana de lo sentiu astrolochico d'estar baixo lo signo d'una estrela u planeta.
La palabra desastre se documenta en aragonés medieval en libros como la "Cronica de Sant Chuan de la Penya"[1].
Se veiga tamiénEditar
ReferenciasEditar
- ↑ 1,0 1,1 (an) Cronica de Sant Chuan d'a Penya
- ↑ (es) Diodora Calvo Aldea, Maria Teresa Molina Álvarez y Joaquín Salvachúa Rodríguez: Ciencias de la tierra y medioambientales. 2º Bachillerato. 2010 Mc´GrawHill, p 48.
- ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.169