Desastre natural

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os desastres naturals u catastrofes naturals son fenomenos naturals, como la plevia y l'aire, consideraus desastres cuan bel parametro supera un branquil de normalidat (threshold, en anglés), mediu cheneralment a traviés d'un parametro y causa perdidas economicas u personals con ferius u muertos, por eixemplo un tierratremo sin de danyos economicos u personals no ye un desastre natural. Dito parametro cambea pendendo d'a mena de fenomeno (escala de Ritcher ta tierratremos, escala de Escala de Saffir-Simpson ta huracans, ecetra).

As pedregadas son desastres naturals prou habituals.

A desferra causada por un desastre natural puet amplificar-se si bi ha una mala planificación d'os asentamientos humans, manca de midas de seguridat, plans d'emerchencia, sistemas d'alerta, precariedat social y economica.

Manimenos, muitos d'os fenomenos que conoixemos como catastrofes u desastres naturals son causatos per l'acción humana, u bien as suyas consecuencias s'agravan per l'accion de l'hombre. En istos fenomenos s'incluyen os incendios forestals y os accidents industrials y tecnolochicos.

Tipos de desastres

Simulación por ordinador d'un movimiento de ladera en San Mateo County, California en chinero de 1997.

Huracán Iván.

Cheolochicos

Os desastres natuals de tipo cheolocico incluyen os que tienen relación con fenomenos cheolochicos que causan danyos como os siguients:

• Lurtes y movimientos de ladera.
• Tierratremos.
• Dolinas.
• Erupción volcanica.

Desastres hidrolochicos

Un desastre hidrolochico ye un cambio repentino, violento y destructivo en a calidat de l'augua d'a tierra, en a suya distribución u lo suyo movimiento de circular per dencima u debaixo d'a superficie u en l'atmosfera. A vegadas estes fenomenos son consecuencia d'atros desastres naturals u per l'acción humana.

• Inundacións.
• Tsunamis.
• Erupcions limnicas.

Desastres metereolochicos

• Ciclón tropical.
• Turbera.
• Pedregada.
• Plevia chelada.
• Ola de fredor.
• Ola de calor.
• Sequera.
• Tronada.
• Tornado.
• Tronada de fuego.

Incendios forestals

Os incendios forestals son grans fuegos qué a ormino s'encietan en arias forestals. Las causas mas comuns incluyen lampedos y sequeras pero tamién pueden estar orichinaus per neglichencia humana u accidentalment per estructuras u actividaz humanas. Pueden extender-se a areas pobladas y estar una menaza a humans y propiedaz, asinas como fauna y flora.

Desastres espaciales

• Impacto astronomico.
• Erupción solar.

Futuro

En o futuro seguntes muitas organizacions, entre os que cal destacar Oxfam, predicen un augmento exponencial d'os afectaus per desasatres naturals como consecuencia d'o cambio climatico y a urbanización de zonas con risgo per a necesidat d'ocupar nuevos espacios debant de l'augmento d'a población mundial. D'os afectaus se creye que un 95% serán pobres, especialment per a falta de mecanismos d'alerta y prevención.

Bibliografía

• Withington, J. Historia mundial de los desastres. Turner, 2013. ISBN 978-84-7506-879-4.

Vinclos externos

• Se veigan as imáchens de Commons sobre Desastre natural.