Death of a Gunfighter
Death of a Gunfighter (títol orichinal en anglés, en aragonés Muerte d'un pistolero, enguerada en Aragón con o títol en castellano de La ciudad sin ley, en aragonés A ciudat sin lei) ye una cinta de cine estausunidense de cine de western de l'anyo 1969 dirichida por Robert Totten y Don Siegel (iste zaguero acreditau como Alan Smithee), seguntes un guión adaptau por Joseph Calvelli (basau en Death of a Gunfighter, una novela publicada por Lewis B. Patten l'anyo 1968), con una banda sonora orichinal d'Oliver Nelson, una dirección de fotografía d'Andrew Jackson y una producción cinematografica de Richard E. Lyons ta la productora cinematografica Universal Pictures. Conta con un elenco d'o cual en fan parte, entre d'atros, os actors Richard Widmark, Lena Horne, Carroll O'Connor, David Opatoshu, Kent Smith, Jacqueline Scott, Morgan Woodward, Larry Gates, Dub Taylor, John Saxon, Darleen Carr, Michael McGreevey, Royal Dano, Jimmy Lydon, Kathleen Freeman y Harry Carey Jr.
En finals d'o sieglo XIX en a localidat de Cottonwood Springs en Texas o "sheriff" d'o lugar, Frank Patch, fa lo suyo treballo seguntes as viellas trazas d'o sieglo XIX cuan as "fuerzas vivas" d'o lugar quieren que la ciudat se prepare ta la modernidat d'o sieglo XX. Bel día Luke Mills, bien enzorrau como cuasi siempre, obliga a lo "sheriff" a disparar-le en defensa propia, resultado muerto. Con ixe escamoche, deciden presionar a Frank ta que dimita voluntariament d'o suyo cargo. Y cuan se niega, las presions puyan cada vegada d'intensidat, dica plegar en menazar seriament a suya vida, con un complot t'asasinar-lo.
A cinta s'ambienta en Texas en os anyos 1890 y las suyas escenas se filmoron en Tucson en Arizona y en bellas localidaz de California, amás d'en os Universal Studios en Universal City, tamién en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q1443951
