Una cuniestra, cuniastra, cunyestra, conchesta u conchestra[1] ye una zona en a montanya, por eixemplo en un clotau, a on s'acumulan grans masas de nieu[2] Etimolochicament proviene d'o verbo latino congero que significa "acumular".[3]

Esquemas d'a formación d'una cuniestra en a sierra de Guadarrama (Espanya).
Anvista d'o Big Drift, en primer plan, una cuniestra de 30 metros de gordaria en o Parque Nacional de Glacier en Estaus Unius.

Istas zonas quedan protechidas, de manera que o viento i envolturna a nieu. En as cuniestras, mientres as turmentas de nieu se i acuniestran gordarias muit grans de nieu.

Pueden mesmo cubrir bels obstaclos y tornar-se periglosos por o suyo peso u por meter en periglo a circulación y atras actividaz humanas.

Formación editar

A formación de cuniestras pende no nomás d'a nieu en o suelo, d'a que caye y d'a portiada por o viento, sino tamién d'a temperatura y d'os tipos d'as pelocanas.[4] En efecto, una nieu muit densa u muit compactada será muit dificil de deseparar y alzar. Con temperaturas muit fredas, o viento devanta a capa superficial ta formar cuniestras mientre un cierto tiempo, pero a compactación puet creyar una crosta superficial encara mas dificil d'erosionar. Cuan a temperatura ye amán d'o punto de fusión as pelocanas absorben mas vapor d'augua de l'aire circumdant cosa que augmenta a suya masa y a suya resistencia a o viento. Cuan a temperatura plega u sobrepuya 0 °C a nieu se regala parcialment cosa que fa augmentar a suya densitat y augmenta a suya cohesión fendo imposible a suya devantada.

Se veiga tamién editar

Referencias editar

  1. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  2. (fr) Le grand dictionnaire. Office québécois de la langue française
  3. (fr) Dictionnaire latin-français de Félix Gaffiot (1934)
  4. (fr) De mm à cm... Étude des rapports neige/eau liquide au Québec. Note technique. Ivan Dubé (Service météorologique du Canada - Région du Québec). UCAR. Marzo de 2003