Cul de Gavarnía

O cul de Gavarnía (en francés Cirque de Gavarnie) ye un cul que fa parti d'o macizo d'as Tres Serols, que fue declarau en 1997 Patrimonio d'a Humanidat por a Unesco. O salto d'augua de Gavarnía ye un d'os mas altos d'Europa, con mas de 400 m de cayida vertical. O cul de Gavarnía ye situau en os Pireneus, en a comuna francesa de Gavarnía (Altos Pireneus), en a rechión d'Occitania, adintro d'o Parque Nacional d'os Pireneus.

Localidat y cul de Gavarnía
Salto d'augua de Gavarnía. Con os suyos mas de 400 m d'altaria, ye un d'os mas altos d'Europa.

Con un diametro de seis kilometros, ista muralla rocosa, marabiella d'a naturaleza, ye un d'os puestos mas vesitaus de totz os Pireneus franceses. O terreno calcario, gris, ocre u rosa, puya dica mas de 3.000 m d'altaria.

A paret tien dica 1.500 m d'altaria dende o fondón d'a val dica bellas d'as cimás mas alteras d'o Pireneu, como o Marmorés d'el Cul Gran (3.071 m), o Pico Plan de Marmorés (3.248 m), a punda de ro Faixón (3.009 m), a punda de ro Corral Ciego (3.006 m) y a punda Negra (3.144 m).

A breca de Roldán ye una curiosidat cheolochica, una puerta en a crencha rocosa, accesible dende o puerto de Buixaruelo, a o que s'arriba facilment por a estación d'esquí de Gavarnía-Gèdra. Tamién se puet arribar a Buixaruelo por una empinada rota, con amplaria en bel trampo ta nomás un vehíclo, a la que s'accede a la ezquierda, chusto dimpués de pasar o puent de Torla, a on prencipia a vía d'acceso a o Parque Nacional d'Ordesa.

Se veiga tamiénEditar

Vinclos externosEditar