Cruz occitana

A cruz occitana, cruz de Folcalquer u cruz de Tolosa (en occitán crotz occitana, crotz de Forcauquier u crotz de Tolosa) ye hue o simbolo identitario d'os occitans y d'Occitania. A sobén puet entivocar-se popularment con una cruz catara anque no se sabe muit bien si existió una cruz catara.

Historia

L'orichen d'a cruz ye prou misterioso. Son muitas as hipotesis relativas a la suya posible plegada en Tolosa. Bels historiadors piensan que ye d'orichen bizantín y que puet estar que venise de Constantinoble por meyo d'as cruzadas mientres que atros opinan que ye d'orichen copto y que haberba estau importada de Provenza. De todas trazas a primera vegada que ye documentada a cruz d'os Condes de Tolosa ye en tiempos de Ramón V de Tolosa en l'anyo 1165 (descripción d'o siello d'o condau).

A cruz s'estendilló mas allá d'o condau de Tolosa de manera gradual (estió lo simbolo d'os estaus d'o Lenguadoc) y dende os anyos sisanta y setanta d'o sieglo XX se convertió en o simbolo d'o Lenguadoc. Mas tardi, a partir d'os anyos 80-90 s'ha espardiu por toda la resta d'o territorio de luenga occitana (incluyidas as zonas perifericas exteriors a l'estau francés como a Val d'Arán u as Vals Occitanas d'o Piemont), identificando-se asinas de manera cheneral, en Occitania y tamién en l'exterior, a la identidat occitana.

Se veiga tamién

Bandera d'Occitania.

Vinclos externos

Se veigan as imáchens de Commons sobre a cruz occitana .

Datos: Q1537595
Multimedia: Occitan cross / Q1537595