Corz de Balbastro-Calatayú (1626)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Corz de Balbastro-Calatayú 1626 | ||||
|---|---|---|---|---|
| ||||
| Balbastro y Calatayú | ||||
| Información cheneral | ||||
| Ciudat |  Balbastro Calatayú
| |||
| Monarca | Felipe III d'Aragón | |||
| Principals temas | ||||
| - Discusión d'a Unión d'Armas - Sueldos y competencias de funcionarios | ||||
| Corz d'o Reino d'Aragón | ||||
| Anteriors | Posteriors | |||
| Tarazona 1592 | Teruel 1632 | |||
Mapa
| ||||
  | ||||
As Corz de Balbastro-Calatayú de 1626 estioron as primeras Corz d'o Reino d'Aragón convocadas por o rei Felipe III, dimpués de que su pai Felipe II nunca no las hese convocau. O rey fue acompanyau por o suyo valido, o Conte-Duque d'Olivares, estando virrei Ferrando de Borcha. As corz prencipioron en a ciudat de Balbastro o 23 de chinero de 1626, tresladando-se-ne enta Calatayú o 18 d'abril y rematando astí o 24 de chulio de 1626.
En aviento de 1625 o rei Felipe III convocó as corz d'o Reino d'Aragón, as Corz d'o Reino de Valencia y as Corz Catalanas con a fin de promover a Unión d'Armas y de requerir a os estaus d'a Corona d'Aragón a contribución a un exercito permanent que o rei podese emplegar en parti en qualsiquiera d'os suyos reinos. Isto yera en contra d'os privilechios tradicionals d'o reino, ya que os aragoneses nomás yeran obligaus a ayudar a o rei d'a suya propia pocha si l'ataque se produciba en Aragón. Atrament o rei heba de bosar as tropas proporcionadas por Aragón. O Conte-Duque d'Olivares quereba contar con un exercito permanent, financiau por cadagún d'os estaus d'a corona y que estase a disposición d'o rei, sin que calese contar con l'aprebación d'o reino pa cada uso concreto.
O rei y Olivares arriboron ta Zaragoza o 13 de chinero de 1626 y se'n tresladoron enta Barbastro a semana siguient, a on s'ubrioron as sesions d'as Corz aragonesas. A zaguera vegada que istas corz s'heban reuniu estió en 1592, en o reinau de Felipe I, por lo que i heba muito que exponer, amillorar, y discutir. O rey s'absentó pa inaugurar as Corz Catalanas, y as sesions continoron sin a presencia d'o rei.
As corz pasoron una concordia entre a Reyal Audiencia y o tribunal d'a Inquisición, pa resolver os conflictos de competencia entre os dos. Tamién se reguloron as competencias y sueldos d'os funcionarios d'o reino, s'actualizoron os fueros y s'aumentó a presión fiscal con a fin de financiar un continchent de 2000 soldaus a o servicio d'o rei, muito menos d'o que o rei heba requiesto en primeras. Se tornó a demandar que os oficios y beneficios d'o reino nomás s'atorgaran a personas naturals d'o reino, y que os consellos reyals incluyisen a o menos un representant aragonés.
| Predecesor: Corz de Tarazona (1592) |
Corz d'o Reino d'Aragón Corz de Balbastro-Calatayú (1626) |
Succesor: Corz de Teruel (1632) |