Corderero

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O corderero u corderer yera o pastor d'una companyía que se feba cargo d'os corders, típicament pastencos y anyals, que no podeban emprender viache transhumant de camín ta la Tierra Plana, por estar encara masiau chóvens u vulnerables.

Tradicionalment, yera o treballo que se mandaba fer a os ninos de menos de 10 anyos d'edat, que tampoco no podeban concarar-se con animals mas grans, y constituiba muitas vegadas o primer contacto con o treballo con as uellas que teneban os futuros pastors. En o sistema tradicional altoaragonés, no yera raro que a partir d'os 10 anyos os zagals isen pastors en a transhumancia, ya en a categoría de rapatans.

A la contra de como os rapatans, que iban en companyía con atros pastors mas veteranos, os corderers treballaban cuasi siempre solos u achuntando-se entre os d'un mesmo lugar, en o mont, y a soben teneban a misión de vechilar-se y cudiar es unos d'es atros. Os corderers feban un treballo por chornada, cuasi siempre quedando-se a dormir en o lugar con as mullers y os agüelos, y chiraban a os animals de camín ta lugar en fer-se el tarde.

Se veiga tamién

Datos: Q25619876