Condau de Pallars
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo condau de Pallars estió uno de los condaus que i heba en lo territorio que en la primera mitat de lo sieglo IX bels cronistas de la cort carolinchia clamoron Marca Hispanica.
![](http://upload.wikimedia.org/wikipedia/commons/thumb/9/93/Escut_dels_comtes_de_Pallars.svg/150px-Escut_dels_comtes_de_Pallars.svg.png)
Este condau se trobaba situato en la cuenca alta de la Noguera Pallaresa, entre los monts Pireneus y la redolada de La Pobla de Segur, incluindo-ie la Vall d'Àneu, la Vall de Cardós y la Vall Ferrera, asinas como a vegatas la marguin ezquierda de la Noguera Ribagorzana y la Vall Fosca.
As primeras anyadas: o dominio tolosán
editarOs territorios d'o condau de Pallars y d'o condau de Ribagorza fueron conqueritos a o Emirato de Cordoba en as primeras anyadas d'o sieglo IX por Guillén I, conte de Tolosa, que os incorporó a o suyo condau.
Asinas, Guillén I establió o monesterio de Santa María de Gerri en a val d'o río Noguera Pallaresa en Gerri de la Sal (hue a capital d'o municipio de Baix Pallars, en Lerida), o monesterio de Senterada en a val d'o río Flamisell (hue en Senterada, Lerida) y o monesterio de Santa María y Sant Per d'Alaón en Sopeira en a val d'o río Noguera Ribagorzana, en Ribagorza (hue Uesca). Antiparte, Carlos Magno encluyó istos territorios en o bispato d'Urchel.
En 806 abdicó Guillén I, que se fació monche en o monesterio de Sant Guillén dau Desèrt, que heba establito en l'actual departamento francés d'Erau, en Occitania. Os suyos sucesors estioron en o condau de Tolosa Begón de París y dimpués Bernardo de Septimania (iste zaguer yera fillo de Guillén I).
A independencia pallaresa y ribagorzana dende meyatos d'o sieglo IX
editarA clase social dirichent d'os territorios ribagorzans y pallareses refusaba o dominio tolosán, y asinas en 833 Aznar Galíndez (que heba estato conte de Aragón y yera conte d'Urchel y conte de Cerdanya) s'apoderó d'os condaus de Pallars y Ribagorza, que se convertioron asinas en independients d'o condau de Tolosa dica que en 844 Fredelón de Tolosa expulsó a ista linia y recuperó os condaus.
Sindembargo, cuan en 872 fue asasinato o conte Bernardo II de Tolosa por estar enemigo de Carlos o Calvo, Remón (que seguntes bels autors yera un sinyor local, encara que yera descendient d'a nobleza franca) aprofitó isto ta independizar os condaus a o sud d'os Pireneus y ta creyar una dinastía contal propia.