Abrir menú principal
Un codete Redstone, parti d'o programa Mercury

Un codete (u tamién codet) ye un vehiclo u aeronau que saca lo suyo movimiento por a reacción d'a expulsión de gases de combustión a escape dende un motor codete. A sobén o termin se refiere tamién a un motor codete. A bells tipos de codete lis se clama misil y en iste cambeyo de nombre no influye a mida u potencia. Por un regular se clama misil a tot codete d'uso melitar con capacidat de ser enfilato u manullato activament t'alcanzar un blanco.

Os codetes se trestallan en etapas que van encarnando-se dezaga mientres que lo suyo aszenso. Ista forma de funcionamiento ye muito mas eficient que un codete que tien nomás que una sola etapa. Un codete de tres etapas ye muito mas chicot que un chigant codete d'una sola etapa que transporte la mesma carga a la orbita terrestre.

Os codetes s'usan en as fiestas populars d'os pueblos ta empatizar-las. D'orichen chino, os codetes realizan un important treballo d'amenacion d'as chents.

Tipos de codetesEditar

Existen dos grans tipos de codetes dependendo que tipo de sistema utilice lo motor codete pa fer fuera lo propelent a traviés d'a suya tobera:

  • codetes termodinamicos: que emplegan a calor y/u la presión.
  • codetes electrodinamicos: que emplegan campos electricos y/u magneticos.

Tipos de codetes termodinamicosEditar

I hai tres tipos prencipals:

  • De gas fredo: que tant nomás emplega la presión pa fer fuera un gas.
  • codete quimico: que usan la enerchía quimica d'una combustión pa producir calor. I hai dos tipos seguntes o tipo de propelent emplegau: codete quimico liquido y codete quimico soliu.
  • codetes termoelectricos: que emplegan la calor producida per una resistencia electrica (en os clamaus resistojets) u la calor producida per un arco electrico (en os clamaus codetes arcjets).

Tipos de codetes electrodinamicosEditar

I hai dos tipos prencipals:

  • impulsors ionicos (en anglés ion thrusters): que emplegan campos electricos pa accelerar ions (normalment de xenón).
 
Impulsor ionico d'a sonda espacial Deep Space 1.
  • impulsors de plasma, que emplegan campos electricos y magneticos pa accelerar plasma. Seguntes o sistema emplegau pueden estar HET (Hall-effect thrusters) u PPT (pulsed-plasma thrusters).

Actualment tant nomás os codetes termodinamicos de tipo quimico son emplegaus pa aconseguir lo espacio. Os de demás tipos de codetes s'emplegan quan a nau espacial ya ye en o espacio.

 
Comparanza dentre bells codetes. De cucha a dreita: Energia,Falcon Heavy,Yenisei,Long March 9,SLS Block 1,N1,Saturn V,SLS Block 2,Starship