Aeronau
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una aeronau ye cualsiquier aparato con capacidat ta despegar, aterrizar y navegar por l'atmosfera, podendo amás transportar personas, animals u cosas. Seguntes a OACI, aeronau ye tota maquina que puet desplazar-se en l'atmosfera por reaccions de l'aire que no sían as reaccions d'o mesmo contra a superficie d'a tierra.[1]
Existen dos tipos d'aeronau:
Os aerostatos, que son mas liucheros que l'aire, estioron os primers en estar desenvolicatos. Puyan debito a lo prencipio d'Arquimedes, y se caracterizan por contener un fluido gaseoso de menor densidat que l'aire. En iste grupo se troban os dirichibles y globos aerostaticos.
Os aerodinos son aeronaus mas pesatas que l'aire, y son as unicas que pueden chenerar sustentación. A sustentación puet chenerar-se por alas fixas (aeronaus d'alas fixas) u rotatorias (aeronaus d'alas rotatorias).
As aeronaus pueden estar tamién tripulatas y no tripulatas, istas zagueras ditas UAV (de l'anglés Unmanned Aerial Vehicle) o RPV (Remotely Pilots Vehicle) y atros nombres menos utilizatos.
Unatra claseficación ta as aeronaus podría estar por o suyo uso civil o militar.
Referencias
editar- ↑ Organización d'Aviación Civil Internacional (chulio de 2006 (decima edición)), «1. Definicions y reglamento cheneral respective a l'atorgamiento de licencias. Punto 1.1.- Definicions» Anexo 1 a lo Convenio sobre Aviación Civil Internacional - Licencias a lo personal, Mont-reyal: Organización d'Aviación Civil Internacional - Document Sales Unit. ISBN 92-9194-756-3.
