Circumferencia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una circumferencia (d'o latín < CIRCUMFERENTIA) ye o puesto cheometrico d'os puntos $(x,y)$ d'un plan, equidistants d'un atro punto $(a,b)$ que decimos centro d'a circumferencia. A distancia entre o centro y cualsiquiera d'os puntos d'a circumferencia se diz radio d'a circumferencia. Se diz diametro a tot segmento que tien os suyos estremos en a circumferencia y que pasa por o centro. Toz os diametros d'una circumferencia tiene a mesma largaria, por ixo se puet parlar d'o diametro d'a circumferencia en cuentas d'un diametro. A largaria d'o diametro ye o doble d'o radio. Una circumferencia no ye un poligono porque no tien caras ni vertices encara que se puet aproximar tanto como se quiera por un poligono regular a base de fer-lo d'un numero de caras prou gran, por ixo coloquialment a vegatas se diz que una circumferencia ye un poligono regular d'infinitas caras.

Una circumferencia

A circumferencia ye un caso particular d'a elipse en que os dos focos coinciden. As circumferencias son as seccions conicas que s'obtienen cuan un plan intersecta una superficie conica perpendicularment a l'eixe d'ista.

En un sistema de coordenatas cartesianas, una circumferencia de centro $(a,b)$ y de radio $R$ ye formata por os puntos $(x,y)$ tals que:

${\sqrt {(x-a)^{2}+(y-b)^{2}}}=R$

Se veiga tamién

• Cerclo

• Datos: Q17278
• Multimedia: Circle geometry / Q17278