Chudicio de Riam

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix con o nombre de chudicio de Riam (en francés Procès de Riom) a un chudicio de tipo politico mientres a Segunda Guerra Mundial, impulsato por os responsables d'a Francia de Vichèi (incluyindo-ie o suyo prencipal dirichent, o mariscal Philippe Pétain) contra cuantos politicos d'ideolochía politica d'ezquierdas que heban destacato en os anyos 1930 mientres a Tercera Republica Francesa, estando os prencipals acusatos Léon Blum y Édouard Daladier. O chudicio s'escomenzó o 19 de febrero de 1942 en a ciudat de Riam (en francés Riom), en o Puèi Domat, Auvernia, en territorios no ocupatos por a Wehrmacht d'o Tercer Reich, y remató o 15 d'abril de 1942. En realidat o chudicio, que nomás tentaba de mostrar a presunta responsabilidat politica d'a ezquierda francesa en a redota de l'Exercito francés mientres a batalla de Francia, no remató, por presions d'Adolf Hitler, en recibir os acusatos muestras de simpatía internacionals (como d'a opinión publica estausunidense). Sindembargo, en as sesions d'o chudicio os acusatos refutoron as afirmacions de l'acusación, establindo que a culpa no yera pas d'os civils, sino de l'Exercito francés, que no heba feito a suya misión d'esfender o territorio nacional.

• Datos: Q572765