Cheminucos

Cheminucos
Gemini constellation map.png
Información cheneral
Abreviadura: Gem
Simbolo: Gemini.png
Nombre en latín: Gemini
Chenitivo: Geminorum
Significato: os cheminucos u meyos
Datos astronomicos
Ascensión recta: 7 h
Declinación: 20°
Vistero ta latitutz: entre -60° y +90°
Millor visibilidat: en febrero
Estrelas
con m.a. < 3:
4
Estrela mas luminosa: Pólux (β Gem)
 - Magnitut aparent: 1.1
Plevia de
meteoritos
:
Cheminidas
Cheminidas Rho
Constelacions
mugants:
Lupo cerbal (Lynx)
Auriga
Tauro
Orión (Orion)
Unicorni (Monoceros)
Can menor (Canis minoris)
Cáncer (Cancer)

Cheminucos u Gemini (os cheminucos u meyos) ye una d'as constelacions d'o zodiaco, situata entre a constelación de Tauro a l'ueste y a de Cáncer a l'este. A lo norte, se troban as constelacions d'Auriga y a quasi invisible d'o Lupo cerbal. A lo sud, as de l'Unicorni y o Can menor.

CaracteristicasEditar

En ista constelación, bi son dos estrelas luminosas: Cástor (α), una estrela binaria telescopica (sextuple en l'actualidat), y Pólux, mas luminosa y ubicata mas a o sudueste. As altras estrelas son mas esmorteixitas -nomás que una, Alhena (γ), puede alufrar-se bella vez dende as grans ciudatz-, y debuixan un rectanglo enta o sudeste.

Tamién en ista constelación, en 1930, s'escubrió lo planeta Plutón, amán d'a estrela Wasat (δ Geminorum).

ObchectosEditar

L'obchecto d'o cielo prefundo mas luminoso de Cheminucos ye M35, un carrazo estelar ubierto de 5ena magnitut, a 2800 anyos luz d'a Tierra. Se troba a lo nordueste d'η Geminorum, cerca d'a marguin zurda d'a constelación.

MitolochíaEditar

 
Representación medieval d'os Cheminucos

Parando cuenta en as estrelas poco luminosas visteras a simple uello, ista constelación pareix debuixar dos feguras alargatas paralelas. Ixo fació que s'identificase con o mito d'os clamatos Dioscuros, Cástor u Pólux, os fillos cheminucos de Leda. O mito d'istos meyos ye muito relacionato con o furto de ganato, y podría estar ligato a visions primitivas d'a Carrera de Sant Chaime u Vía Lactia, en as que serían situatos en metat d'o ganato u d'una rabanyera de vacas leiteras.

A orientación d'a constelación puede variar -ya que continan fendo lo debuixo de feguras alargatas igual si s'enclinan ta la dreita como ta la cucha-, anque s'acostumbra a veyer a os cheminucos decantatos enta man zurda. Manimenos, quan s'enclinan ta man dreita, un d'os cheminucos se troba en a Carrera de San Chaime y l'altro en ye difuera, o que fa que pareixca que un d'os meyos ye furtando lo ganato y que l'altro se lo mira. Ixo, chunto con a faixa d'o cielo que ye desenta (an que agora se considera que i son as nuevas y muito esmorteixitas constelacions d'a Chirafa y o Lupo cerbal) y as altras caracteristicas de l'aria de Cheminucos (Orión, Auriga y Can Menor), podría haber estato l'orichen d'o mito d'os ueis de Cherión, un d'os dotze treballos d'Heracles.

AstrolochíaEditar

En l'astrolochía occidental, o signo de Cheminucos (21 de mayo-20 de chunio) ye asociato con o elemento aire; ye, pues, un d'os tres signos d'aire, chunto con Libra y Aquario. En Cheminucos tien o suyo domicilio en lo planeta Mercurio. Ye un d'os quatre signos mutables, chunto con Virgo, Sachitario y Piscis. O suyo oposato ye Sachitario. D'entre as partis d'o cuerpo, os Cheminucos gubiernan os brazos y as mans.

As qualidatz que os astrologos acostumbran a acumular-li son os d'un carácter independient, adaptable, peligarcero y eloqüent, devez que dual, foricador, malestachero y niervudo.

En o "Libro d'o Trasoro" lo nombran como Gemjnjs, ye dicir "Cheminis".

los .xij.c signos, es a saber, Aries, Taurus, Gemjnjs, Cancer..