Cheminis (astrolochía)

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Cheminis, també dito o signo d'os cheminucos, ye o tercer signo d'o zodiaco. O Sol lo travesa entre o 21 de mayo y o 21 de chunio, alto u baixo y seguntes l'anyo. A iste signo, lo riche Mercurio, planeta que riche os viaches curtos, a comunicación, a educación primaria, os chermans, etc. As suyas colors son l'amariello y quantas gamas de grisos y as piedras con as que s'identifica son más que más o berilio y o topacio.

Representación y simbolo de Cheminis

Se clasifica entre os elemento d'aire y de qualidat mutable. L'arquetipo de personalidat de Cheminis s'asocia a conceptos como a inconstancia, a falera chovenil, a curiosidat y a chafardería, a o enchenio, a rapidez mental y oral y a la oratoria, entre d'atros. Metaforicament, a os Cheminis les ne diz l'adolescent d'o zodiaco. Por norma cheneral, os signos mutables buscan ufrir un servicio a os atros y, en tractar-se tamién Cheminis d'un signo d'aire (l'aire se relaciona con tot lo que ye mental, cognitivo y comunicación), se considera que os oficios ideyals pa iste signo son aquells relacionaus con a educación (más que más infantil y primaria), os meyos de comunicación (periodismo) u tamién con a literatura.

Se considera que os cheminis fan pacha con os atros signos d'aire (Libra y Aquario) y con os de fuego, difueras de, con matices, os sachitarios por estar-ne o suyo oposau, igual que mantiene una fuerte incompatibilidat con Virgo y Pisces. Manimenos, iste quadro de compatibilitatz y incompatibilitatz no reflecta un perfil individual u lectura individual tal como s'interpreta adrintro de l'astrolochía, sino que reflecta una orientación cheneral y a referencia a la compatibilidat seguntes lo que ye dictau por variables como qualidatz y elementos en o zodiaco.

Se veiga tamién

• Cheminis (constelación)