Chaime Pérez d'Aragón y Nicolau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Chaime Pérez d'Aragón y Nicolau
Sinyor de Segorb

Sinyor de Segorb
12791308
Succesor Gostanza Pérez Ferrández

Muerte 1308
Conchuche/s Sancha Ferrández
Descendencia Gostanza Pérez Ferrández
Pai Pero III d'Aragón
Mai María Nicolau

Chaime Pérez d'Aragón y Nicolau naixió arredol de l'anyo 1258 y morió en l'anyo 1308.[1][2] Estió almirant de l'Armata Reyal d'Aragón y sinyor de Segorb.

Ascendents editar

Yera fillo borde de lo rei Pero lo Gran y d'una dama dita María Nicolau. Esta relación se desvinió enantes de lo matrimonio de lo rei con Gostanza de Sicilia. Yera chirmano de Chuan Pérez y Beatriz Pérez.

Matrimonio y descendients editar

sinyor de Segorb editar

Su padre lo rei Pero III d'Aragón creyó lo 21 de noviembre de 1279 la sinyoria de Segorb, concedindo-la en feudo a su fillo Chaime Pérez, pero retenindo lo dominio directo: si moriba sin de succesión, retornaria a la Corona.

Almirant de la flota editar

Con calendata 21 d'agosto de lo 1280 bi ha un documento on lo rei don Pero III d'Aragón parla de su fillo que ya teneba lo cargo d'almirant.

Guerra de Sicilia editar

Mientres la revuelta nobiliaria contra Pero lo Gran luitó en lo Setio de Balaguer (1280) y ixe mesmo anyo fue nombrato almirant. Con este mesmo cargo participó en la Guerra de Sicilia y luitó en lo Combate de Nicòtena (1282). En l'anyo 1283 fue destituito por su padre lo rei por no haber seguito puntualment las suyas órdens en la incursión a Calabria (1283), on perdió bellas naus y almogávars. Fue succedito en lo cargo d'Almitant por Rocher de Luria.

Alcait de Termicén editar

Segunt l'acuerdo entre Pero III d'Aragón y Abu-Saïd Uthman I de Termicén, la Corona d'Aragón teneba permiso pa establir una companyia d'armas, un alcait y un "musrif" pa cosirar lo suyo comercio. En calendata indeterminata Chaume Pérez fue ninviato por su padre como Alcait de Termicén a lo mando de la companyia d'armas que ya i yera establita. Su padre lo rei don Pero III d'Aragón morió lo 1285 y mientres lo reinau d'Alifonso III d'Aragón continuó como Alcait de Termicén.

Campanya de Murcia editar

Lo 1291 comenzó lo reinau de Chaime II d'Aragón, su chermanastro. Pareix que participó en la campanya de Murcia de 1296, y que fue nombrato procurador y gobernador reyal de Murcia por Chaime II.


Predecesor:
no bi n'ha
sinyor de Segorb
1279-1308
Succesor:
Gostanza Pérez Ferrández


Referencias editar

  1. Enciclopèdia Catalana: Jaume Pere
  2. 2,0 2,1 Fundación Medinacelli: Jaime Pérez

Bibliografia editar