Caterina di Russia
Caterina di Russia (títol orichinal en italiano, en aragonés Caterina de Rusia, enguerada en Aragón con o suyo títol traduciu enta lo castellano como Catalina de Rusia) ye una cinta de cine biografico de drama historico de l'anyo 1963 coproducida por o cine italiano, lo cine francés y o cine yugoslavo y dirichida por Umberto Lenzi seguntes un guión adaptau por él mesmo y por Guido Maletesta (basau en una historia de Steven Luotto y Alfonso Brescia). A dirección de fotografía d'a cinta ye obra d'Augusto Tiezz, estando la banda sonora orichinal composada por Angelo Francesco Lavagnino. O productor cinematografico d'a cinta ye Fortunato Misiano, ta las productoras Romano Film, Société Nouvelle de Cinématographie, Zagreb Film. Fan parte de l'elenco d'a cinta, entre d'atros, os actors Hildegard Knef, Sergio Fantoni, Giacomo Rossi Stuart, Raoul Grassilli, Angela Cavo, Ennio Balbo, Enzo Fiermonte, Tina Lattanzi y Tullio Altamura.
A cinta se centra en a figura de Catarina II de Rusia, qui en ye la protagonista. Casada con Pero, l'hereu d'a cadiera reyal rusa, pero lo suyo matrimonio estió una autetica ensalada: con caracters bien diferents, la parella cuasi que no teneba relación y la cinta amuestra a Per como un autentico barrenau contraposau a una Caterina bien equilibrada y centrada. Per recibe lo refirme de tropas de mercenarios d'orichen alemana y Caterina, por contra, lo recibe d'os rechimientos de cosacos. En morir a zarina Isabel, lo suyo sobrino Pero se convertió en o nuevo zar y poquet a poquet l'enfrontinaiento entre los dos conchuches d'enampló. En a cinta Catarina troba lo refirme d'Orlov, que lidera a lo rechimiento de cosacos cuan istos se sublevan contra Pero en proclamando zarina a Caterina. Orlov teneba las suyas propias razons personals.
A cinta s'ambienta en Sant Petersburgo y atros puestos de Rusia en 1762 y las suyas escenas se filmoron en Zagreb en Yugoslavia (hue Croacia).[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q3663542
