Carrusel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O carrusel (d'o francés carrousel) u caballetz ye una atracción popular consistent en una plataforma circular chiratoria con posaders pa chinets. Os posaders tienen tradicionalment a forma de ringleras de caballos de fusta u atros animals amontaus en postes, muitos d'os quals se mueven enta alto y enta baixo per meyo d'engranaches pa simular o galope, con l'acompanyamiento de musica circense en bucle.

Carrusel u caballetz

Os carrusels gosan estar plenos de caballos pero pueden incluyir una variedat de munturas, per eixemplo, tocíns, zebras, tigres u creaturas mitolochicas como dragons u unicornios. A vegadas, se fan servir posaders en forma de cadiera u banco y, ocasionalment, os suportes pueden tener forma d'avión u auto.

Vinclos externos

• Se veigan as imáchens de Commons sobre carrusel.

Referencias

• Datos: Q208322
• Multimedia: Carousels / Q208322