Caos granitico

Caos granitico ye una forma d'o terreno con de grans tormos poliedricos u redondos aislatos en amplas superficies representando una meteorización esferoidal.

Caos granitico en Musina, Sudafrica.

OrichenEditar

Ye un modelato tipico de terrenos con materials con textura granuta, en especial granitos, pero tamién atras rocas plutonicas y muitas rocas metamorficas.

Bi ha diferents teorías pa explicar a formación d'un caos granitico. Una d'as més aceptatas ye la que se basa en as diferents familias de diaclasas que bi ha en os macizos graniticos.[1] Ixas diaclasas mugan bloques poliedricos y tamién permiten a circulazión de l'augua sotorrana que provien d'a plevia. Con o tiempo a meteorización quimica d'o granito arredol d'as diaclasas por hidrolisi fa que hi haiga masas de granito inalterato con formas poliedricas en meyo d'arenas y archilas derivatas d'a hidrolisi (regolito) y tot baixo un suelo. Quan o suelo y o regolito desapareixen por erosión quedan os tormos graniticos aislatos y sueltos en a superficie d'o macizo granitico.

En Espanya os caos graniticos son tipicos d'o paisache d'o Sistema Central. Tamién bi n'ha en Galicia. Como curiosidat bi ha tormos graniticos que descansan sobre o granito despullato en posicions d'equilibrio y que pueden bellugar-sen con o viento. En o Sistema Central y Meseta Central reciben a denominación de berrocales, parola que existe en lo Sistema Iberico terolano pa dicir a atras formas d'o terreno que se desembolican en quarcitas y con orichens en a chelifracción, periglacialismo y atros fenomens. Manimenos en a terminolochía cheolochica espanyola s'ha imposato a parola berrocal pa dicir los caos graniticos que s'han formato por meteorización esferoidal

ReferenciasEditar

  1. Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990.

BibliografíaEditar