Estadio de Torrero
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O estadio de Torrero, conoixiu tamién como a catedral gualdinegra, yera un instalación poliesportiva que teneba una piscina descubierta, un campo d'entrenamiento que tamién s'utilizaba de velodromo, conoixiu como de San Antonio y lo campo con graderias pa los partius de fútbol, situau en o barrio de Torrero de Zaragoza. Estió o campo a on chugó o Iberia SC y dimpués o Real Zaragoza dica l'anyo 1957.
| Torrero | |
|---|---|
| Imachen:Campo municipal de Torrero.jpg Campo de Torrero en 1928 | |
| Datos chenerals | |
| Nombre oficial | Estadio de Torrero |
| Situación | C/ Lasierra Purroy  Zaragoza, Aragón
|
| Nombres anteriors | |
| Apodo | |
| Construcción | |
| Inicio | |
| Debantadera | 7 d'octubre de 1923 |
| Prochecto | |
| Arquitecto | |
| Constructora | |
| Coste | |
| Reformas | |
| Cierre | |
| Demolición | |
| Datos tecnicos | |
| Superficie | Hierba natural |
| Grandaria | m 2 |
| Dimensions | |
| Aforo | 15020 personas |
| Utilización | |
| Propiedat de | Iberia SC Real Zaragoza |
| Equipe local | |
| Administración | |
| Uso | |
| Localización | |
Historia
editarPer iniciativa d'un grupo de simpatizants y chugadors iberistas entre los cuals yeran o president de l'Iberia Jose Maria Gayarre, su chirmán Luis Gayarre (portero), Antonio Sanchez Candil, Alejandro Infiesta, Modesto Sánchez, Muniesa y Luis Ferrer, buscan un terreno que encaixe pa a construccion d'un campo de fútbol pa chugar como local.
En Torrero, en a carrera Lasierra Purroy troban un mont d'oliveras que yera un pedregal pleno de deslibels pero a un pre asequible (10 centimos m2), propiedat d'os hereders de Juan Dupla. Acuerdan arrendar-lo con una opción de compra a los diez anyos. Iste terreno estió an os franceses instaloron los suyos baterias pa bombardiar mientres Setios de Zaragoza en 1808.
Pa la adquisicion y a suya construccion en 1922 se contó con a financiación Banco Hispano-Americano y se creya una sociedat a la cual le dan o nombre de Sociedad Deportiva campo de Torrrero con un capital social de 425.000 pecetas, y principia a construcción. Os tractors chunto a la dinamita explanan lo terreno. Lo mont d'oliveras desapareixe en tiempo record, s'empecipia a levantar edificios con a construccion d'uns vestuarios y una chicota tribuna de fusta.
A devantadera d'o estadio de Torrero se fació con un partiu entre o Iberia SC y l'Osasuna o 7 d'octubre de 1923[1] con resultau de 1-4 ta l'equipo navarro.[2]
Seguidament aprofitando la cercania d'a canal Imperial de Aragon s'instalo una gran piscina an se traia l'augua gracias a un motor, anque l'augua subia muito turbida. Seguidament se construyó o campo de fútbol fendo una grada de cemento arredol de tot d'o campo y en a zona de preferencia s'habilitoron 5 gradas y 12 palcos. Tamién se fació un campo auxiliar d'entrenamiento conoixiu como San Antonio, que tamién yera utilizau como velodromo y como servicios complementarios tamién un bar.[3]
En a suya epoca estió un d'os estadios mas importants d'Espanya fueras d'os terrenos de chuego que se trobaban en os vecins País Basco y Catalunya.[4] Con una capacidat de 8.000 espectadors estió seu d'a final de Copa d'o Rei de 1927 y d'un partiu internacional d'a Selección espanyola de fútbol o 14 d'abril de 1929 contra Francia.
En os primers anyos, dende a suya devantadera en 1923 dica l'anyo 1932 con o naiximiento d'o Zaragoza FC, estió o campo a on chugó como local o Iberia SC, l'equipo mas important d'Aragón por o que fue conoixiu como a catedral gualdinegra. Por ixas envueltas o estadio teneba cuatre gradas, una en cada canto, en tribuna doce palcos ta las autoridaz.
Lo primer partiu d'o Zaragoza FC en iste campo como local estió o 20 de marzo de 1932 contra o Real Valladolid, vencendo per 4-0, estando Gregorio Rolloso lo primer goliador d'o Zaragoza FC en este estadio.[3]
En verano de l'anyo 1943 o Zaragoza FC enampló as gradas norte, este y ueste ta plegar a un aforo de 15.020 espectadors.
L'11 de setiembre de 1949, menutos d'antos de principiar o primer partiu d'a tornada d'o Zaragoza FC enta a Segunda Division, bi habió un accident en o estadio espaldando-se parti d'a grada este debiu una plevida. Morió un espectador y atros siet fuoron ferius. En rematar a temporada s'apanyó y enampló a grada este, plegando o estadio dica una capacidat de 20.000 espectadors.
En aviento de 1950 lo Zaragoza FC en plena crisi economica y a lo canto d'a desaparicion, compra lo campo de Torrero per una cantidat d'1.275.000 pecetas, pa revenderlo a lo concello de Zaragoza nomás uns días dimpués per 8.000.000 pecetas. Lo Concello construyió un nuevo campo municipal y asinas aseguró la supervivencia de l'equipo zaragocista.
A temporada 1956/57 estió a zaguera d'o ya Real Zaragoza en Torrero, puyando dende a Segunda enta a Primera división. O zaguer partiu chugau en o estadio estió un partiu de Copa o 28 d'abril de 1957 contra a Real Sociedad que remató en empaz.
O estadio pasó a estar propiedat d'o Concello de Zaragoza dica os anyos 1970, cuan prencipioron a vender-se as parcelas que ocupaba, desapareixendo de tot en primerías d'a decada de 1990. Actualment en o mesmo puesto bi ha casas y una biblioteca municipal.
Referencias
editar
Datos: Q25619946
