Cagot
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Os cagoz, mesiellos[1] u gafos yeran un grupo social marguinal que viviba en Francia y nord-este d'Espanya, especialment en Guipuzcua, norte de Navarra, Cinco Villas, Chacetania, Biarn y Gascunya...
No yeran consideratos de lo mesmo grupo etnico que la población cheneral, no lis se permeteba fer muitas cosas y constituiban una casta d'oficio obligata a malvivir y dedicar-sen a triballos artesanals. A suya marguinación yera mes gran en Navarra, Biarn y Gascunya. En la Chacetania y determinatas zonas d'Occitania a suya marguinación yera menor y han deixato menos noticias. La embotada Cagotes de los Canfraners deriva d'esta chent.
O suyo aspecto fisico ye diferent de l'aspecto de la chent de lo Norte de Navarra. Destaca a l'alta frecuencia de lo lobulo de la orella apegato a la piel de la mandibula, a diferencia de la población cheneral, que lo tien a sobén deseparato y con atra forma.
Historia
editarO suyo orichen ye polemico. Existe una teoría que los relaciona con visigodos, basandose que en occitán ca got significa precisament can got. Atra teoría los relaciona con os cataros.
Los autors Marca y Lardizábal niegan que sigan cataros, pus los cataros amaneixen en Lenguadoc por l'anyo 1170 y desapareixen en l'anyo 1215. Se sape que los cagoz ya existiban en l'anyo 1000, con lo nombre Crestiaas, como se deduce de lo Cartulario de l'Abadía de Luc y de l'antigo fuero de Navarra compilato por Sancho Remíriz en 1070 y que los menciona como Gafos. En l'Alto Aragón occidental y Cinco Villas ye testimoniada documentalment a suya presencia en ciudaz como Chaca u Sos d'o Rei Catolico[1] baixo las demoninacions medievals de "cristianos de Sant Lazaro" u "mesiellos".
En 1819 as Corz de Navarra promulgoron leis pa rematar con la marguinación, leis que abrogoron las leis medievals discriminadoras. Tamién se prebó establir cagoz en Madrit, en lo lugar que huei se dice Nuevo Baztán. Bels agoz emigroron ta America, pero a mas gran parte de los cagoz permanexió en os suyos lugars u se'n tornó a la fin.
Encara con la ley de 1819 prohibindo la discriminación, a suya marguinación duró dica lo sieglo XX en la Val de Baztán. Lo barrio de Bozate en Arizcum (Val de Baztán) yera un guetto cagot, y la chent que huei i vive desciende dreitament de los cagoz.
Referencias
editar- ↑ 1,0 1,1 Abella Samitier, Juan: Sos en la Baja Edad Media. Una villa aragonesa de frontera Institución Fernando el Católico, 2012
