CASA C-212 Aviocar

CASA C-212 Aviocar
CASA C-212 Aviocar.
CASA C-212 Aviocar
Datos chenerals
Tipo Avión de transporte
Fabricant Flag of Spain.svg CASA
Flag of Spain.svg EADS CASA
Flag of the European Union.svg Airbus Military
Flag of Indonesia.svg Indonesian Aerospace (baixo licencia)
Periodo 1974-actualidat
Grandaria
Largaria 16,15 m
Altaria 6,60 m
Envergadura 20,28 m
Superficie alas 41 m²
Peso 4,4 t
Especificacions
Motor 2 x Garrett TPE-331-10R-513C
Altaria maxima 7.925 m
Uso
Estato En servicio
Operador Flag of Spain.svg Exercito de l'Aire
Atros usuarios Flag of Indonesia.svg Fuerzas Armadas d'Indonesia
Flag of Saudi Arabia.svg Reyal Fuerza Aeria Saudita
Flag of Portugal.svg Fuerza Aeria Portuguesa
Producción
Unidatz construyitas 483
Coste unitario 8 millons de $

CASA C-212 Aviocar ye un avión de transporte desembolicau por CASA.[1] O suyo primer vuelo estió en 1971. Tien dos motors Garrett AiResearch TPE-331-10R-513C , una velocidat maxima de 370 km/h , un alcanz de 1433 km y capacidat de carriar 2820 kg. S'han construyíu 483 unidatz.

O CASA C-212 Aviocar, propulsau por dos turbohelizes y con capacidat STOL, ha estau fabricau en Espanya dende comienzos d'os anyos 1970. A partir de l'anyo 2000, con a encorporación de CASA a o grupo aeronautico europeu EADS, o C-212 pasó a estar designau EADS CASA C-212. Inicialment estió comercializau baixo o nombre de Aviocar, pero EADS CASA ya no utiliza ixe nombre pa referir-se a ista aeronau. Tamién ye produciu baixo licencia en Indonesia por a companyía Indonesian Aerospace (PT Dirgantara Indonesia en indonesio), antis mas clamada IPTN, siglas de Industri Pesawat Terbang Nusantara u Industri Pesawat Terbang Nurtanio, u simplament Nurtanio, baixo a denominación de NC-212.

A suya designación como que C-212 sigue o esquema d'os avions disenyaus por CASA, con a C inicial d'o fabricant y contino un numero de tres dichitos, d'os quals o primer corresponde a o numero de motors, dos en iste caso, habendo-se trigau os dos siguients por o numero de pasachers que se plantió como objetivo: 12.

O 28 d'aviento de 2012, estió entregau o zaguer avión que salió d'a linia de montache espanyola, que feba o numero 477 d'o total. Con ell se clausuró a linia de montache final d'Airbus Military en Espanya, que estió trespasada a Indonesia, an en o futuro Airbus Military y Indonesian Aerospace (que ya heba produciu tamién as series 100 y 200) fabricarán conchuntament en Bandung una nueva serie d'o modelo.

En total as vendas d'o C-212 suman 478 aparatos, d'os quals 126 han estau fabricaus baixo licencia por IPTN. A previsión d'EADS-CASA yera de 85 avions mas en o periodo 2007-2016.​ 92 usuarios, entre ells 31 militars y mas de 50 companyías civils, l'han volau en totz, constituindo, de luen, o mayor exito d'a industria aeronautica espanyola.

ReferenciasEditar

  1. (en) Jane's Encyclopedia of Aviation, Random House, 1993, ISBN 978-0517103191