Bufador (surchencia)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre lo bufador como surchencia karstica ocasional, pa atros emplegos de la palabra bufador se veiga bufador (desambigación).

Un bufador ye una surchencia karstica por a on sale augua con aire en meses de pluvias intensas y que resulta de fenomenos de sobreixeders trop-plein, extrusions karsticas u mesmo baixar las presions atmosfericas. La dirección de salida de l'augua puede estar vertical u horizontal.

El Reventón (sierra d'Alcaraz, Albacet), bufador que se fa en primavera en lo naixedero de lo río Mundo.

Bufadors en los Puertos de Beceit

Esquema de pozo artesiano que representa una situación pareixida a bel bufador de la versant oriental de los Puertos de Beceit.

Los bufadors son bien documentaus en los Puertos de Beceit y se manifiestan cuan una plevia intensa fa puyar la presión d'un acuifero, alora diz en catalán local que s'han eixit els bufadors. Se troban por un regular en lo cabaixo de las montanyas u en lo fondón de los barrancos y s'activan ascape pero por poco tiempo, permaneixendo sin fluxo d'augua la mes gran part de l'anyo. Son celebres los bufadors de Lloret en lo barranco homonimo de lo termin municipal de Roquetes (Tarragona), que forachita aire a cierta presión con un soniu caracteristico por lo confinamiento.

Si lo livel freatico de l'aquifero confinau ye prou alto puede salir augua por un bufador sin que pleva en dos situacions meteorolochicas diferents:

• Cuan bufa llevant (vernera) pueden brotar estas fuents dende aquiferos confinaus baixo las archilas pliocenas. Bi ha un efecto de la presión barometrica sobre estos aquiferos que puyan a traviés de los suyos cabos y de foratos y pozos que puedan trobar.
• Cuan bufa cierzo por la sierra de Caro pueden activar-sen los bufadors cuan la fuerza d'este viento creya un efecto aspersor por fer baixar la presión atmosferica.

Bibliografía

• (ca) Antonio Querol Gómez: Processos i canvis al territori del delta de l'Ebre. Cossetània Edicions, 2004.
• (es) Jesús Amela Agost: Surgencias temporales en la provincia de Castellón. Revista digital Gota a gota, nº 08, Grupo de Espeleología de Villacarrillo, G.E.V, 2015.
• (es) Vicent Pellicer Ollés: Las fuentes de "El Port". Cossetània Edicions, 2001.

Vinclos externos

• Bufadors de Lloret con lo suyo soniu caracteristico.

• Datos: Q65394527