Pompero

Un pompero^[1] u bombero^[1] (u si ye muller pompera u bombera) ye una persona formada, entrenada y equipada ta amortar fuegos, rescatar personas, atender situacions d'emerchencia, como inundacions, huracans, tierratremos, suicidios, etc. En bels países tamién proporcionan servicios medicos basicos. En Espanya, os encargaus d'efectuar rescates no son pompers, sino a unidat GREIM d'a Guardia Civil.

Os pompers tienen cuantos medios ta ir a amortar un fuego:

Os cambions de pompers son equipaus de forma que sigan d'uso en o caso d'haber d'amortar un fuego.
Os cambions que tiran esbruma no inflamable ta casos a on no se puet fer servir l'augua.
Os helicopters de vichilancia nomás sirven ta detectar o incendio.
Os hidroavions pueden cargar augua (por eixemplo: en un pantano)
Os helicopters de descarga que pueden cullir l'augua de chicots entibos a trabiés d'una manguera y una pompa d'augua (por eixemplo: basas preparadas u piscinas)

Os vehíclos de carretera que emplegan os pompers tienen a consideración de vehíclos prioritarios cuan van en servicio d'urchencia y lo sinyalizan.^[2]

Historia

Bi ha muitas evidencias historicas d'accions de collas de personas organizadas contra incendios, pero as prebas mas antigas d'o que podemos contimparar con un cuerpo de pompers actual apareixen con os romanos. En 2004, uns arqueologos alemans, baixo a dirección de Bernd Paeffgen, descubrioron en a val d'o Rin, lo que fue descrito como una pompa d'augua de 1650 anyos de antigüedat. O equipo contaba amás con un tubo delgau de 1,10 m que iba uniu a la pompa. En primeras confundida con una lanza, as prebas posteriors reveloron que se tractaba d'un conducto u manguera.

S'atribuye a o primer emperador César Augusto a creyación oficial d'o primer cuerpo de pompers organizau en Roma. Manimenos anyos antis, un rico y ambicioso aristocrata dito Marco Licinio Craso (a suya riqueza proveniba d'os biens radices y o loguero inmobiliario) heba organizau una mena de servicio contra incendios de Roma, pero tamién organizó as primeras brigadas d'"incendiarios" d'as que se tien referencia en a Historia, guaranciando asinas que os suyos "pompers" tenesen siempre treballo, y estando istos controlaus por o cruel Craso, no les ne daba orden d'amortar o incendio si o duenyo d'o territorio u construcción no lo vendeba a pre de renta en l'inte. Asinas, a chent s'estimaba mas de ganar os diners d'a venda inchustament, que de quedar-se una casa u parcela estricalladas.

Se veiga tamién

Referencias

↑ ^1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (es) Real Decreto 1428/2003, de 21 de noviembre, por el que se establece el Reglamento General de Circulación, consultau o 6 de noviembre de 2023.

Vinclos externos

(es) Museu d'o fuego y d'os pompers

Datos: Q107711
Multimedia: Firefighters / Q107711

[DORTO-1] 1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[BOE-2] (es) Real Decreto 1428/2003, de 21 de noviembre, por el que se establece el Reglamento General de Circulación, consultau o 6 de noviembre de 2023.

[1]

[2]